Ndertuesit pezullojne ndertimin e rrugeve
18/02/2010 08:55
Politika shqiptare uron besimtarët myslimanë për Kurban Bajramin 06/06 08:55
Pjesa derrmuese e kompanive ndertuese qe kane fituar ne te shkuaren tendere per punime publike ne rruget kombetare apo projekte te tjera infrastrukturore, i kane pezulluar punimet teresisht, apo i kane ngadalesuar ato ne pritje te zhbllokimit te pagesave, behet e ditur nga burime prane Shoqates se Ndertuesve te Shqiperise.
Shoqata pati njoftuar dhjetorin e kaluar se qeveria ka akumuluar detyrime te pergjithshme prej 70 milione eurosh ndaj kompanive te ndertimit te rrugeve, per shkak te problemeve me likuiditetin qe kane zaptuar financat publike. Shoqata pati paralajmeruar se do te filloje greve te pergjithshme ne janar, por e shtyu vendimin per me vone, me shprese se situata do te normalizohej.
“Ne te gjitha projektet publike te inspektuara nga shoqata, nuk dallohet me asnje punetor apo makineri ne pune”, bejne te ditur zyrtaret e shoqates. Ne shume projekte infrastrukturore, te punesuarit tregojne se kane muaj qe nuk marrin pagat e veta apo i marrin ato me vonese, nderkohe qe kompanite e ndertimit i kane varur shpresat te dega e Thesarit te qeverise. Disa prej kompanive vijuan te punojne me fondet e veta, por u perballen me veshtiresi kur paraqiten kerkesa per kredi prane bankave dhe bankat nguruan te financojne kompanite bazuar ne kontratat e punimeve.
Qeveria shqiptare filloi punime me vlere te pergjithshme prej 1 miliard dollaresh gjate vitit 2009, bazuar ne besimin se ekonomia do te vijoje te rritet.
Qeveria shpresonte gjithashtu se do t’i kishte dyert e hapura ne tregun nderkombetar per te marre kredi. Te dy faktoret ku bazohej suksesi i investimeve publike dolen zhgenjyes.
Te ardhurat e buxhetit te shtetit u rriten me vetem 2 per qind gjate vitit te kaluar, nderkohe qe qeveria pati shpresuar per rritje 10-12 per qind.
Tregu nderkombetar i kredise u ngushtua, ndersa tregu i bankave vendese nuk qe ne gjendje te plotesonte urine e qeverise per borxh. Ne muajt tetor-dhjetor qeveria nuk qe me ne gjendje te shlyente detyrimet e veta te zakonshme. Ajo mbylli efektivisht sherbimin e Thesarit ne javen e fundit te dhjetorit. Situata vijoi te perkeqesohej ne janar.
Top Channel
