Ne 22 shkurt ne Tirane mberrin delegacioni i Asamblese Parlamentare te Keshillit te Europes.
Komiteti i Presidenteve ne perberje te te cilit eshte presidenti i sapozgjedhur i Asamblese turku Mevlut Cavusoglu, kreu i grupit te djathte Luca Volonte, shefi i socialisteve te Asamblese Andreas Gross, Anne Brasseur nga liberalet dhe Tiny Cox nga e Majta e Bashkuar Europiane si dhe dy raportuesit David Wilshire dhe Jaako Laakso vine te henen sic ishte percaktuar ne rezoluten per Funksionimin e Institucioneve Demokratike ne Shqiperi dhe rekomandimet shoqeruese.
I parashikuar per te qene pjese e ketij delegacioni, Sekretari i Pergjithshem i Asamblese Mateo Sorinas per arsye shendetesore nuk mund te vije ne Tirane, por nje perfaqesues i kabinetit te tij do te jete prezent ne te gjitha takimet e perfaqesuesve te Asamblese.
Misioni i ketij delegacioni eshte te ndihmoje perpjekjet e Presidentit Topi i cili mbart rolin kyc sipas rezolutes per zgjidhjen e krizes ne vend.
Presidentet e grupeve politike te Asamblese pritet t’i kerkojne qeverise dhe opozites qe te marrin persiper pergjegjesite e tyre per t’i dhene fund situates aktuale me qellim qe vendi te vijoje reformat integruese. Delegacioni ne perputhje me rezoluten e miratuar do te kerkoje nga palet nje marreveshje per ngritjen e komisionit hetimor per zgjedhjet parlamentare per te bere te mundur pjesmarrjen e opozites ne Kuvend.
Nese kjo vizite deshton ne misionin e saj Shqiperia kalon ne monitorim te Komitetit te Ministrave te 47 vendeve antare te Keshillit te Europes dhe grupi raportues per Demokracine do te propozoje ne varesi te situates vendimet qe duhen te nderrmeren me pas per Shqiperine.
Top Channel
