Kriza, Topi pergatit propozimin
18/02/2010 15:20
Protesta e fermerëve grekë, policia kufitare lajmëron bllokimin e aksit rrugor Kakavijë-Janinë për 3 orë 16/12 10:17
Burime per Top Channel konfirmojne se ndersa keshilltari diplomatik Arben Cici po shoqeron Presidentin Bamir Topi ne Kroaci, keshilltari juridik Spiro Peci po punon per nje dokument qe synon te gjeje pika te perbashketa ne qendrimet e paleve.
Zyrtarisht, ende nuk eshte percaktuar nese do te jene palet apo presidenca ajo qe do te beje propozimin konkret. Por duket se partneret nderkombetare e presin dokumentin prej presidentit dhe i kerkojne partive te punojne mbi te.
Presidenti eshte takuar me Komisionerin per Zgjerimin Shtefan Fyle, nderkohe qe konfirmohet takimi me nensekretarin amerikan te Shtetit, Xhejkob Lju.
Sipas njoftimit zyrtar te presidences teme e bisedes ishte edhe zhvillimi i tryezes politike.
Sipas njoftimit, nensekretari Amerikan i Shtetit ka çmuar perpjekjet e Presidentit Topi, duke i konsideruar si shume te rendesishme per rifillimin e dialogut politik, rivendosjen e legjitimitetit te institucioneve demokratike dhe funksionimin e tyre.
Presidenti do te jete ne Tirane te premten ne darke. Nderkohe te dielen ne darke do te ulet ne aeroportin e Rinasit i ashtuquajturi komitet i presidenteve te asamblese parlamentare te Keshillit te Europes, pra presidenti i kesaj asambleje Mevlut Cavusoglu, dhe kreret e 5 grupeve politike bashke me dy raportuesit per Shqiperine.
Sipas njoftimit zyrtar te Keshillit te Europes ata po mbeshtesin procesin e zgjidhjes se situates politike aktuale dhe te asistoje presidentin Topi ne rolin e tij te mediatorit per rivendosjen e dialogut politik.
Delegacioni do te takohet qe ne mengjes heret, ne oren 9:15 me Presidentin e Republikes. Me pas do te kene takime me kryetaren e kuvendit, kryeministrin Sali Berisha, me kryetarin e Partise Socialiste ne oren 15.00, me disa prej ambasadoreve qe po ndjekin nga afer krizen shqiptare dhe serish ne mbremje me presidentin e Republikes Bamir Topi. Te marten me 23 shkurt ne oren 10:00 do te mbahet nje konference per shtyp ne Hotel “Rogner”.
Top Channel
