Kryeministri Sali Berisha ka reaguar pas deklarates se kreut te Asamblese se OSBE per hetimin e zgjedhjeve, duke deklaruar se eshte i gatshem t’i jape opozites shumicen ne komisionin hetimor te zgjedhjeve te 28 qershorit.
Por, duke folur ne Parlament, Berisha ka nenvizuar se hetimi duhet te jete ne respekt te plote te Kushtetutes dhe vendimeve te Gjykates Kushtetuese.
“Nese lexoni dokumentat nderkombetare, ne asnje nuk kerkohet qe ne komisionin parlamentar opozita te kete shumicen. Por kete konceison e ben mazhoranca jone per t’i dhene opozites te gjitha garancite se do mund te ushtroje hetimin e saj te plote ne respekt te Kushtetutes dhe vendimeve te Gjykates Kushtetuese”, ka pohuar Berisha.
Kryetari i Partise Demokratike ka mirepritur deklaraten e zyrtarit te OSBE-se, Joao Soares, e cila u vleresua edhe nga opozita, duke theksuar se ajo duhet te sherbeje si shtyse per arritjen e nje marreveshje ne tryezen e negociatave te drejtuar nga presidenti Topi.
“Deklarata nga kryetari i asamblese se OSBE-se, personalitet i shquar me prirje socialiste, te jete nje nxitje per suksesin e tryezes nga e cila me te vertete mund te dilet, me bindjen time me te thelle, me rezultate plotesisht te prekshme, rezultate qe bejne te mundur kthimin e opozites ne Parlament”, ka nenvizuar Berisha.
Top Channel
