Ne vitin 2005 nje rreshqitje masive dheu shkaktoi deme ne dhjetra shtepi te fshatit godolesh te Elbasanit. Komisioni i ngritur per vleresimin e demeve shumicen e tyre e shpalli te pabanueshme.
Por ne fakt sot 5 vjet me pas askush nuk eshte kujtuar me per banoret e Godoleshit as qeveria e majte qe ishte ne ato kohe ne pushtet, pra kur ndodhi rreshkitja, por as e djathta e cila eshte sot ne pushtet. Gjithcka mbeti vetem ne trajten e premtimeve.
Godoleshi eshte nje fshat i madh i ndare ne disa lagje relativisht larg njera tjetres, qe te gjitha, kush me shume e kush me pak kane pesuar deme nga rreshkitjet e 5 viteve me pare.
Familja e pare qe takojme eshte ajo e Qemal Reshkes qe jeton ne varferi ekstreme ne nje shtepi gjysme te rrenuar. Kryefamiljari na tregon se komisioni i atehershem e shpalli banesen e tij te pabanueshme, por vetem kaq sepse me pas askush nuk u kujtua me per ta jo vetem per t’i strehuar ne vend tjeter, por as per t’u dhene qofte edhe demshperblim financiar.
Qemali thote se eshte perpjekur shpesh t’i bej ndonje rregullim shtepise, por ne pak kohe muret cahen serish pasi shtepia ka levizur nga themelet.
E njejte eshte situata edhe ne shtepine e vellait tjeter Sali Reshkes ku rreshkitjet kane shkaktuar carje ne cdo cep te shtepise.
Gjate rrugetimit tone ne Godolesh takojme edhe 80 vjecaren Zyra Pema, e cila jeton vetem me djalin e saj ne nje shtepi qe vetem e tille nuk mund te quhet. Njera pjese eshte shembur plotesisht, ndersa tjetra mund te shnderrohet ne cdo moment ne nje kurth vdekjeprures per te dy familjaret.
Edhe Zyraja nuk ka marre asnje demshperblim, e per me teper nuk merr as pension e as asistence nga komuna. E vetmja mbijetese per ta eshte ndonje qese miell qe mund t’i falin banoret e tjere te fshatit.
Pervec familjeve qe pesuan deme te medha ne banesat e tyre, pati edhe te tjera te cilave shtepite ju shemben plotesisht, ne ate kohe ndihma e pare ju dha duke i strehuar perkohesisht ne nje repart ushtarak ne dalje te Elbasanit. Por vetem kaq sepse nga 2005 e sot edhe ata nuk kane marre asnje lek demshperblim.
Ne repart te flasesh per vaferi duket pak, banoret jetojne ne kushte skandaloze tashme te vetedijshem pas 5 vitesh se demshperblimi i premtuar nuk do vije kurre.
E sikur mos te mjaftonte mungesa e demshperblimit, ata nuk kane te drejte te bejne asnje punim ne keto godina pasi nuk gezojne prone mbi to. Banoret e Godoleshit te flasin te gjithe per sorollatjen shteterore qe kane patur ne dyert e institucioneve nga te cilat nuk kane marre asgje me shume sesa vetem premtime, kurre te realizuara.
Ne repartin e vjeter as shpresa nuk gjen me vend, skamja eshte bere pjese normale e jetes se tyre.
Nderkaq ne fshatin Godolesh ne lagjen e saj me te madhe rreshqitjet vazhdojne, erozioni eshte i perditshem dhe ai rritet pikerisht gjate diteve kur ka me shume reshje shiu. Dhjetra shtepi te tjera rrezikojne te permbysen ne greminen qe u afrohet perdite.
Ky eshte realiteti 5 vjecar i Godoleshit, fshatit ku banoret vec fatkeqesise natyre duhet te perballen edhe me harresen e shtetit. Te majtet ne ikje ne 2005 premtuan demshperblim te plote por nuk bene asgje, rrugen e tyre e vazhdoi edhe qeveria e djathte, qe i mbushi banoret vetem me premtime.
Top Channel
