Deputetet socialiste kane ende edhe tri seanca parlamentare brenda afatit kushtetues per te kryer betimin. Afatet shkurtohen nga kjo jave kur eshte seanca e dites se enjte qe perkon me daten 18 shkurt, duke vijuar me seancen e dates 25 shkurt.
Seanca e fundit qe perben limitin kohor te betimit eshte ajo e dates 4 mars. Ky eshte afati i percaktuar edhe nga Kryetarja e Kuvendit, Jozefina Topalli, e cila pak dite me pare pati informuar zyrtarisht edhe deputetet e Partise Socialiste.
Ne kete leter ajo ftoi te mandatuarit e kesaj partie qe te hynin ne Kuvend per shkak se koha qe ata te betoheshin po mbaronte dhe rrezikohen mandatet e tyre.
“Me kete leter ju ftoj, me deshiren me te mire, qe te merrni pjese ne punimet e Kuvendit e te permbushni detyrimet tuaja kushtetuese”, ishte mesazhi i Topallit ne kete leter. Nderkohe, ne reagimin e po asaj dite, deputetet socialiste u pergjigjen se “Jozefina Topallit duhet t’i vije turp qe perdor postin per te bere diversion, duke vazhduar gjahun e Sali Berishes per te joshur apo per te bere presion mbi deputetet socialiste, permes kesaj letre qe nuk eshte asgje tjeter veçse nje kercenim antikushtetues”.
Palet mbeten po kaq te pozicionuar, si edhe disa jave me pare, dhe nuk ka ende asnje shenje konkrete qe grupi parlamentar socialist do te nderprese bojkotin dhe do te kthehet ne Kuvend. Kreu socialist ka bere me dije se bojkoti do te vazhdoje, PS nuk do te hyje ne Parlament deri ne plotesimin e kushtit kryesor, ate te hapjes se kutive.
Per momentin, PS ka hyre ne negociata me Partine Demokratike, ndersa ka vijuar pergatitjet per protesta ne rast se nuk arrihet nje marreveshje.
Edhe pse faktori nderkombetar e ka theksuar tanime se PS duhet te respektoje afatin kushtetues per te qene ne Parlament, Rama eshte shprehur i bindur se nuk ka kthim ne kete institucion. Per nje kohe te gjate ne ambientet mediatike dhe ato politike ka ekzistuar ideja se grupi parlamentar socialist do te hyje ne Parlament per te bere betimin dhe pastaj do i rikthehet qendrimit te meparshem te bojkotit.
Top Channel
