“JP Morgan”, gati t’i jape borxh Shqiperise

Behet fjale per gjigantin financiar amerikan, “JP Morgan”, i cili zyrtarisht ka shfaqur interes per t’i ofruar mbeshtetje qeverise per kredine 350 milione euro. Gazeta “Shqip” meson se mes bankave te interesuara jane edhe “Deustche Bank”, “Alpha Bank”, “City Group” etj.

Ministria e Financave rezervon te drejten per te dhene me shume detaje, por garanton se interesimi i institucioneve te huaja financiare eshte teper e madhe.

“Rreth 200 milione euro do te merren per te shlyer kredine e Durres-Kukes, kurse pjesa e mbetur per te mbeshtetur buxhetin e shtetit 2010”, shprehen burime te sigurta te Ministrise se Financave. Procedura per leshimin e eurobondit ka nisur ne fund te muajit janar dhe ka shfaqur interesimin e 15 bankave, por Ministria e Financave sqaron se vetem pese do te kalojne ne fazen finale te kreditimit. “Ajo qe konsiderohet e sigurt eshte interesi i kredise, qe pritet te jete me i ulet se borxhi i vitit te kaluar, pra te pakten 7 per qind”, thote ministria.

Procesi
Pak dite me pare, Ministria e Financave njoftoi zyrtarisht mbylljen me sukses te fazes se pare te procesit te emetimit te Eurobonos, qe konsistoi ne marrjen e ofertave nga institucione financiare nderkombetare. Sipas ministrise, 15 bankat e interesuara jane prestigjioze nderkombetare me aktivitet te zgjeruar ne tregun e kapitaleve.

Mes tyre per here te pare eshte edhe “JP Morgan”, banka amerikane, me histori financiare 200-vjeçare (kapital 2 trilione USD). Ashtu si ne dy tenderet e kaluar, nuk mungojne “Deustche Bank” dhe “Alpha Bank”, te cilat kane qene gjithnje te interesuara per te kredituar qeverine shqiptare.

Ministria e Financave synon ta perfundoje procesin e emetimit brenda muajit maj, kohe qe korrespondon edhe me plotesimin e vitit te pare te kredise sindikale te marre vitin e kaluar. Ne kete periudhe te vitit, ministria do te paraqese edhe ndryshimet ne buxhet, te cilat konsiston ne uljen e shpenzimeve.

Borxhi

Ministria e Financave ka parashikuar se Shqiperia mund te perballet me probleme serioze ne  shlyerjen e interesave dhe te borxhit publik te brendshem e te jashtem ne vitin 2012.

Sipas programit ekonomik e financiar te Shqiperise per vitet e ardhshme, shlyerja e kredise se marre gjate krizes se vitit 2009, si edhe interesave te zakonshme te borxheve ekzistuese, do te kerkoje nje shume te pergjithshme parash prej 90.4 miliarde lekesh, ose rreth 700 milione euro, sipas kursit ekzistues.

Nga keto, 32.7 miliarde leke ose 250 milione euro do te duhet te paguhen si principal dhe interesa per kredine e shtrenjte te marre ne maj te vitit te kaluar, per te paguar rrugen Durres-Kukes.  
 

Top Channel