Dinho: Te mesojme nga humbja per te fituar

23/01/2010 08:55

Moratti i trembet ndersa ai qesh. Behet fjale per te rilindurin e Milanit, Ronaldinho, forma e te cilit eshte rritur shume kohet e fundit, ne unison ne rezultatet e kuqezinjve, te cilet kane rihapur garen per titullin kampion.

Milani i tij ka fituar shpejtesi duke ndjekur ritmet braziliane dhe per kete Dinho nuk ka si te mos jete i kenaqur. “Jam i lumtur per momentin qe po kaloj por me shume per ate qe po ben skuadra. Une kerkoj gjithmone te ndihmoj shoket me asiste dhe puna ime eshte te mos luaj vetem. Gjithe Milani po kalon nje moment te bukur pasi te gjithe po punojne mire. Cdokush ben detyren dhe te gjithe jane te lumtur”, pohon sulmuesi ne nje interviste per “Sky Sport”.

Me tej, ai eshte perqendruar tek derbi i se dieles duke kerkuar te harroje humbjen e hidhur 4-0 te fazes se pare. “Duhet te kemi shume kujdes. Inter ka president, trajner dhe lojtare te medhenj. Eshte nje nga skuadrat me te forta ne bote dhe nevojitet perqendrim i larte per te mos pasur surpriza te keqija. Nese jemi te kujdesshem per 90 minuta, nuk do kemi surpriza te keqija, perndryshe mund te perfunodjme me te njejtin rezultat te fazes se pare. Duhet te mesojme nga gabimet e asaj nate dhe kete radhe te fitojme”, thekson Dinho.

Top Channel