BSH: Nuk kemi nderhyre ne tregun valuator

21/01/2010 09:10

Banka e Shqiperise beri te ditur dje se nuk ka nderhyre ne tregun e brendshem valutor gjate periudhes korrik-shtator te vitit te kaluar, gje kjo qe nuk ka ndodhur asnjehere me pare gjate dekades se fundit.

“Ne tremujorin e trete te vitit 2009, Banka e Shqiperise nuk ka nderhyre ne tregun e brendshem valutor,” deklaroi BSH ne nje raport te publikuar dje.

Ne te njejten periudhe te vitit 2008, BSH pati blere rreth 100 milione euro ne treg te hapur me qellim qe te shmangte forcimin e metejshem te monedhes kombetare dhe te shtonte rezerven valutore te vendit.

Por gjate vitit 2009, situata ndryshoi teresisht. BSH nderhyri ne tremujorin e pare duke shitur valute ne mbrojtje ne vleres se monedhes vendese, por hoqi dore nga kjo praktike ne qershor, me qellim qe te mos shpenzonte me shume valute.

Rezerva valutore ne fund te shtatorit qe 1.7 miliarde euro, e pandryshuar ne krahasim me nje vit me pare. BSH i publikon nderhyrjet ne tregun valutor vetem tre muaj pas kryerjes se nderhyrjes, nje rregull ky i vendosur qe dhjete vite me pare.

Nderkohe, agjencite nderkombetare te lajmeve i kane kapacitetet teknike dhe i raportojne shitblerjet e valutes nga ana e BSH ne kohe reale.

Likuiditeti

Ne periudhen korrik-shtator BSH vijoi te furnizoje bankat me likuiditet, nderkohe qe keto te fundit nuk shprehen asnje interes ne permiresimin e menaxhimit te parave te veta, pasi e pane me me leverdi t’i drejtohen bankes qendrore me fonde sa here qe kishin nevoje.

“Per te injektuar likuiditet, Banka e Shqiperise perdori instrumentin e saj kryesor marreveshjen e anasjellte te riblerjes me maturim njejavor, mesatarisht 23.03 miliarde leke ne jave, si dhe instrumentet rregullues me maturim me te gjate se nje jave – marreveshjen e riblerjes me maturim 1 dhe 3-mujor. Marreveshja e anasjellte e riblerjes me maturim njemujor u perdor ne 5 raste, mesatarisht 3.33 miliarde leke per ankand). Ndersa marreveshja e anasjellte tremujore u perdor ne dy raste, mesatarisht 3.25 miliarde leke per ankand”, njoftoi BSH.

Si rezultat, bankat e nivelit te dyte i detyrohen BSH-se rreth 35 miliarde leke te terhequra gjate kohes se krizes.

BSH ka disa muaj qe perpiqet te terheqe kete shume parash nga tregu, pasi nese vijon te qendroje ne treg mund te shkaktoje inflacion.

Top Channel