Massa: Me Alonson shume bashkepunim por kundershtare

Braziliani i Ferrarit ka shprehur nje deshire te madhe per te rifilluar gjithcka pas incidentit te tmerrshem te Budapestit. “Ne vitin 2010 uroj te jem ne gjendje te luftoj per kreun e renditjes dhe te mos e humbas boterorin ne metrat e fundit. Ishte nje incident i rende ai ne Hungari. E pashe ne televizor dhe nuk kujtoj asgje, por kam menduar edhe per t’u larguar. Ky episod me ka bere te maturohem me shume”, thekson Massa.

Ne vijim ai flet per shokun e ri te skuadres, ish dy here kampionin e botes. “Me Alonson duhet te punojme bashke sepse e dime qe jemi ne nje skuader te rendesishme dhe kjo do na sherbeje per te arritur rezultate te mira. Kam folur me shume me te per nje jave se sa kam folur me Raikkonen per tre vjet. Ne piste do jemi kundershtare, por ky eshte ligji i sportit”, shton braziliani.

Massa nuk ka lene pa permendur edhe rikthimin e Schumacher, kete here me Mercedes GP. “Eshte nje zgjedhje e tij. Nuk e di, ndoshta do ta kisha bere dhe une. Jam i kenaqur per te dhe per rikthimin e tij ne kete sport. Me duket e cuditshme qe do ta shikoj tek Mercedes, por Ferrari i kishte dy pilote”, nenvizon Massa.   

Top Channel