Zyrtare te institucioneve te Kosoves jane optimiste se numri i familjeve qe marrin asistence sociale, nuk do te rritet gjate vitit 2010.
Ata thone se projektet per punesim te qendrueshem, qe kane filluar te zbatohen nga fillimi i ketij viti, do te permiresojne mireqenien e qytetareve te vendit. Por, ky optimizem i zyrtareve te Ministrise se Punes dhe Mireqenies Sociale hidhet poshte nga analiste te ceshtjeve ekonomike.
Ne Kosove, sipas te dhenave te Ministrise se Punes dhe Mireqenies Sociale, jane mbi 35 mije familje, te cilat marrin asistence sociale prej 40 deri ne 80 euro ne muaj.
Sipas analisteve, ndihma qe qeveria e Kosoves ofron per kete kategori te shoqerise, karshi cmimeve te larta te produkteve esenciale, eshte shume e vogel. Analisti per ceshtje ekonomike, Flamur Keqa, thote se, perballe gjendjes se rende socio-ekonomike te ketyre familjeve, institucionet e Kosoves duhet te fokusohen ne krijimin e nje infrastrukture me te mire, ne menyre qe te kete investime te huaja.
“Theks te vecante duhet t’i jepet stimulimit te ekonomise se Kosoves, sepse nese shkohet vetem ne drejtim te perkrahjes se shtresave sociale, pa pasur nje burim te mjeteve te caktuara, me te cilat do te perkraheshin, edhe kjo strategji do te ishte e kote”.
Top Channel
