Mesi le serish pas vetes Ronaldon

21/12/2009 23:15

Lionel Messi e mbyll me nje tjeter trofe, vitin e tij perfekt, pas Topit te Arte, argjentinasi ka marre nga duart e presidentit te FIFA-s, Sep Blater trofeun “Futbollisti me i mire i Planetit” per vitin 2009.

22 vjecari fitoi duelin me Kristiano Ronaldon, dhe feston ne menyren me te mire vitin ku ai i fitoi te gjitha, Ligen e Kampioneve, Kupen e Mbretit ne Spanje, Superkupen spanjolle dhe ate europiane, dhe te shtunen e kaluar boterorin per klube.

“Dua te falenderoj te gjithe koleget e dhe shoket e mi te skuadres per kete cmim. Pa kontributin e tyre nuk do t’ia kisha dale mbane per te fituar. Eshte dicka e mrekullueshme per mua dhe per skuadren time Barcelona” tha Messi.

Ne Ceremonine e fundvitit te FIFA-s u dha edhe cmimi per futbollisten me te mire te vitit 2009, qe fitohet per te katertin vit radhazi nga braziliania Marta.

Goli me i mire i vitit ishte ai i Kristiano Ronaldos ndaj Portos ne Ligen e Kampioneve, per kete portugezi u nderua me “Pushkash Award”, trofe qe e mori nga e veja e ish legjendes hungareze te futbollit.

Nje moment emocionues i kesaj mbremjeje ishte edhe publikimi i formacionit ideal per vitin 2009 pas votimeve te bera nga 55 mije futbollistet anetare te FIFPro. 4 prej futbollisteve te formacionit ideal jane nga Barcelona, Iniesta, Messi, Cavi Hernandes dhe Alvesh, 2 nga Reali i Madridit, Kasijas dhe Ronaldo, 2 nga Mancester Junajtid, Evra’ dhe Vidic, 2 nga Liverpuli, Xherrard e Torres dhe 1 nga Celsi, Xhon Terri.

Top Channel