Presidenti i UEFA, Mishel Platini ka folur per here te pare per skandalin e fundit te trukimeve ku perfshihen edhe dy skuadra shqiptare Vllaznia dhe Tirana dhe ka premtuar masa te forta per klubet qe do te shpallen fajtore.
“Nese rezultatet e ndeshjeve dihen ende pa filluar sfidat, atehere une nuk do te jem me president, dhe ju jo me gazetare”, ka deklaruar Platini gjate mbledhjes se Komitetit Ekzekutiv te Uefa-s qe po zhvillohet ne Portugali.
“Ky fenomen eshte nje njolle e rende per ata qe ndjekin futbollin dhe prandaj duhet te perdorim çdo mjet per ta ndaluar. Komiteti Ekzekutiv ishte shume i shqetesuar per kete fenomen te shemtuar. Kemi ngritur nje sistem te ri zbulues dhe e dime nga vijne parate. Po keshtu, po i monitorojme ndeshjet 24 ore ne dite, monitorojme rreth 29 mije te tilla, kemi 400 kompani bastesh qe na informojne per cfare ndodh”, ka theksuar presidenti i Uefa, Platini.
Komitetit Ekzekutiv vendosi qe finalja e Euro 2012 te luhet ne Kiev te Ukraines. Kompeticioni me i madh Europian per kombetare, Euro 2012 do te zhvillohet ne Ukraine dhe Poloni, te cilat, gjate koheve te fundit kane marre shume kritika persa i perket prapambetjes se organizimit te puneve. Gjithsesi, qeverite e te dy vendeve kane premtuar se ndertimi i stadiumeve dhe i infrastruktures do te perfundoje para fillimit te kampionatit europian.
Top Channel