Tirana fiton ne Vlore

30/11/2009 19:30

Tirana ka mposhtur Flamurtarin 2-0 ne Vlore duke mbajtur ritmin e skuadrave pretendente per titull qe e mbyllen me fitoren javen e 12-te te Superliges.

Nje pjese e pare me e mire per vendasit te cilet ishin shume prane avantazhit ne minuten e shtate, por gjuajtja e Roshit u ndalua nga shtylla.

Ne kete pjese bardheblute u treguan te pergjumur dhe vetem ne minuten e 19-te arriten te rrezikonin per here te pare dhe te fundit seriozisht porten vlonjate.

Gjuajtja e Sefes u grushtua nga portieri i Flamurtarit, nderkohe qe Memelli nuk arriti ta shfrytezoje.

Bardheblute e nisin pjesen e dyte ne sulm dhe ne te 54-ten minute Sefa kalon skuadren ne avantazh.

Mesfushori shfrytezoi mjaft mire nje dalje te pastudiuar te portierit kundershtar, duke shtyre i qete topin drejt rrjetes.

Flamurtari kerkon te kunderpergjigjet me kundersulm, por lojtaret e skuadres vlonjate nuk arrijne te finalizojne rastet e krijuara.

Disa minuta nga fundi, Julian Ahmataj dyfishoi rezultatin duke i dhene fund shpresave te vendasve per 1 pike ne stadiumin e tyre.

Tirana mban vendin e katert ne klasifikimin e pergjithshem me 20 pike, ndersa Flamurtari eshte shume larg skuadres se sezonit te kaluara, duke u zhytur gjithmone e me shume ne fund te tabeles me 10 pike.

Top Channel