Superliga, presidentet akuza arbitrave

Ndeshja e javes se 11-te mes Dinamos dhe Apollonise, ka pasur disa raste te dyshimta, sipas drejtueseve te skuadres fierake. Ndikimi i gjyqtarit ne kete ndeshje, por edhe ne disa te meparshme, sipas tyre, ka cuar deri ne doreheqjen e presidentit Endri Puka.

“Gjykime favorizuese per nje ekip ka vetem ne ato fusha ku ushtrohet dhune dhe shqiptaret ndjejne presionin e drejtuesve dhe turmave te nje qyteti te caktuar dhe gjyqtari ka frike, ose ne ato vende ku ata marrin shuma te caktuara. Vete shefi i tyre nuk eshte i bindur se cfare gjyqtaresh ka dhe nuk eshte i bindur te caktoje nje gjykim te drejte per te mos dyshuara se jane edhe ata pjese e kesaj skeme qe percakton rezultatet”, shprehet Endri Puka, ish-president i Apollonise.

Por ndryshe mendon pergjegjesi i gjyqtareve Plarent Kotherja i cili mohon gabimet e paramenduar nga ana e gjyqtareve dhe ne te njejten kohe akuzat e ish-presidentit te Apollonise.

“Presidenti i Fierit ka folur ne gjendje emocionale. Ideja jone eshte te ngrejme je grup te ri gjyqtaresh dhe patjeter ne kete kuader do te kete te meta sepse albitri nuk mund te pergatitet sot dhe te futet neser. Ne si sektor kemi marre persiper kete risk dhe nese ka ndonje padrejtesi ne gjykim, ne do te vazhdojme me idene tone”, shprehet Kotherja.

Shkeputja e Dinamos ne krye pas 11 javesh, pervec merites se kesaj skuadre eshte edhe per shkak te ndihmes se gjyqtareve, sipas presidentit te Beses, Nexhat Bizhdili.

“Dihet boterisht qe arbitrit po vrasin kampionatin. Dinamo mund te dale kampione e vetme, por nuk eshte nevoja qe te nderhyjne arbitrit. Gjithe punonjesit e FSHF-se duhet te marrin masa sa me shpejt”, deklaron Bizhdili.

Top Channel