Silvio Berlusconi ka perfituar nga vizita e presidentit serb Boris Tadic ne Itali, per te shfrytezuar rastin, duke perdorur disa shaka miqesore, ashtu sic ka bere ne te shkuaren me Angela Merkel apo Nicolas Sarkozy.
“Kavalieri” ka shkuar pertej imagjinates kur tha: “Tani ia kaloj fjalen presidentit Clooney”, duke e krahasuar pamjen e kreut te shtetit serb me ate te aktorit amerikan. Berlusconi i ka cilesuar marredheniet mes dy vendeve si miqesore dhe ka shtuar serish me humor se, gjuha italiane eshte me e bukur se ajo serbe sepse ka me shume muzikalitet.
“Serbishtja nuk me pelqen, ndersa gjuha jone eshte me e embel. Jam ende ne pritje te nje opere ne serbisht”, shtoi kryeministri. Berlusconi nuk harroi t’i permendte Tadicit edhe lidhjen e forte mes dy popujve, sepse sipas tij, disa perendore romake kane qene me origjine serbe, mes tyre edhe Kostandini.
Kreu i pallatit Chigi u perqendrua me pas tek futbolli, duke i thene zyrtarit te larte serb se i vjen keq qe tek skuadra e tij, Milani, nuk ka asnje lojtar nga Serbia. “Stankovic luan tek nje skuader kundershtare dhe nese na shenon ne derbin e ardhshem, marredheniet mes dy vendeve mund te perkeqesohen”, shtoi me humor Berlusconi.
Top Channel
