F1, makinat fikin motorret

Nje skuader e blere simbolikisht per 1 dollar, pasi askush nuk merrte persiper te ringjallte falimentin e gjigandit Honda. Ros Braun i besoi gjithe karrieren e tij projektit qe kishte per makinen e 2009-s, duke e quajtur kete aventure ekstreme, Braun GP.

Gjenialiteti i pronarit te kesaj skuadre, njekohesisht edhe drejtorit teknik, qendroi ne faktin e difuzoreve, nje element teknik i shpikur prej tij duke shfrytezuar limitin e rregullores. Ishte i vetem perballe 9 skuadrave dhe mbi te gjitha i vetem perballe koloseve Ferrari e McLaren. Federata Nderkombetare e Automobilizmit pranoi interpretimin e rregullores se tij, duke i shkaktuar miliona dollare humbje skuadrave te tjera te cilat ne pak kohe u duhej te rekuperonin edhe pse ishte thuajse e pamundur ashtu si edhe rezultoi.

Por Adrian Njuej, arkitekti me i suksesshem i ketyre supermakinave, filloi rivalitetin ne distance me makinen e tij Red Bull, e cila befasoi verberisht ne talentin e rralle te Sebastian Fetel. Rivaliteti i ketyre dy skuadrave u konfirmua ne garen e Anglise ku ne shtepine e Baton e te Braun GP, gjermani Fetel e skuadra Red Bull dominuan duke kercenuar liderin e boterorit.

Nderkohe McLaren e Ferrarit u kishte mbetur vetem emri. Pilotet e dy skuadrave historike e me te suksesshme te ketij sporti, shpesh here nuk perfundonin garat, apo militonin ne prapavije. Rrezultatet e dobta  te kokekuqes, u mbuluan disi nga aksidenti i frikshem i Felipe Mases ne provat e Hungarise, aksident qe per pak i rrezikoi karrieren pilotit brazilian qe e mbylli aty sezonin 2009. Pas tij Ferrari vazhdoi te bente figuren e nje skuadre te deshtuar, ne fillim me kolaudatorin Badoer e me pas me Xhankarlo Fizikelen. Nuk mund te mungonin skandalet jashte piste edhe ne kete sezon. Nelsinjo Pike, ish-piloti i Renault akuzoi Flavio Briatoren, nje nder imazhet e Formules 1, se i kishte kerkuar te bente nje aksident te vullnetshem nje vit me pare ne Singapor, nje gjest qe favorizoi Alonson shokun e tij te skuadres te fitonte ate gare. Ky deponim solli perjashtimin e perjetshem te Briatores nga bota e Formules 1, nderkohe ne sfond, Braun GP e Jenson Baton po merrnin gjithnje e me shume formen e kampioneve te rinj te botes.

Gara e Brazilit edhe pse jo permbyllja e sezonit vendosi gjithcka, vendi i peste i Jenson Baton i dha titullin kampion, nderkohe qe edhe Braun GP siguroi ato 250 milion euro si kampione e botes per konstruktore. Ne te njejten kohe Fetel e Red Bull konfirmuan se nuk ishin thjesht pjesemarres, si ne te shkuaren, ne tre garat e fundit gjermani fitoi dy gara e shoku tij i skuadres Mark Veber dominoi garen e Interlagosit. Qershia mbi torten e 2009-s ishte mrekullia e quajtur Abu Dhabi, nje piste e magjishme qe befasoi te gjithe boten, ashtu si Ros Braun e Jenson Baton me projektin ndoshta te paperseritshem Braun GP.

Top Channel