Irani ve ne prove te forte nervat e nderkombetareve pasi ka hedhur poshte propozimin per ta pasuruar uraniumin jashte vendit edhe pse ditet e shkuara e kishte pranuar ne parim marreveshjen e ofruar.
Sipas gazetes prestigjoze amerikane, “New York Times”, Teherani nuk e pranon kete propozim qe u mendua se do t’i jepte fund krizes per ceshtjen e programit berthamor. “Ne jemi gati te bashkepunojme me perendimin” ka thene Ahmadinexhad, deklarate kjo qe duket se bie ndesh me qendrimin me te fundit te Iranit per te mos nxjerre jashte territorit uraniumin.
Rezoluta e AIEA-s e miratuar ne 21 tetor ne Vjene ka rezultuar nje dokument i pavlere per Teheranin dhe tashme priten hapat e radhes se vendeve europiane e SHBA-se. Kjo marreveshje parashikonte qe ¾-tat e uraniumit te pasurohej ne Rusi ose France dhe me pas te rikthehej ne Iran per qellime civile.
Ky eshte deshtimi i pare i administrates Obama ne lidhje me ceshtjen e Iranit edhe pse palet dhane sinjale bashkepunimi me ardhjen e demokratit ne krye te Shtepise se Bardhe rreth nje vit me pare. Javen e shkuar ai zhvilloi nje bisede telefonike me homologun rus Medvedev dhe ate francez, Nikolas Sarkozi per te diskutuar rreth kesaj ceshtje. “Irani nuk deshiron qe ta nxjerre jashte territorit uraniumin. Ky nuk eshte thjesht nje detaj i dokumentit por thelbi i tij”, shprehet nje zyrtar europian per “NYT”.
Nderkohe, zedhenesi i Keshillit te Sigurise Kombetare ne SHBA, Michael Hammer shprehet se zyrtarisht Uashingtoni eshte ende ne pritje te pergjigjes se Teheranit, ndersa le te kuptohet se tashme Irani i ka thene “Jo” dokumentit te Vjenes.
Top Channel
