Tafaj: Tirana beson ende te titulli

Nje gje te tille e konfirmon vete trajneri i bardhebluve, Alban Tafaji, i cili beson ende se Tirana i ka mundesite per ta mbrojtur edhe ne kete sezon trofeun e fituar ne 2008-2009, edhe pse tashme situata eshte e komplikuar.

“Kampionati eshte ende i gjate dhe gara do te vazhdoje te mbetet e hapur deri ne momentin kur do te jete e pamundur edhe llogaria matematike, ka nenvizuar tekniku bardheblu, i fundit, qe ka fituar trofeun me prestigjioz te futbollist shqiptar ne krye te bardhebluve. Tani eshte heret te flasim per terheqje nga objektivat tane. Ne do te japim maksimumin tone deri ne fund, per te rikuperuar diferencen e madhe te pikeve me rivalet tane. Duhet te mos nenvleresojme asnje ndeshje dhe te shpresojme ne hapat fals te kundershtareve tane”.

Ne keto ndeshje qe ai e ka drejtuar kete skuader, ka pare shume gjera pozitive. “Ekipi ka treguar karakter. Nje gje e tille u pa mire ne derbin me Dinamon, ku te them te drejten per lojen qe treguam, edhe pse ishim me nje lojtar me pak, nuk meritonim te humbnim. Megjithate forma e mire fizike e lojtareve titullare dhe morali i larte me japin besim se ne ndeshjet e ardhshme do te shikohet Tirana e vertete”. Nderkohe qe pjesa tjeter e bisedes i perket humbjes se papritur te kryeqytetasve ne ndeshjen e pare te turit I te Kupes se Shqiperise ne fushen e Luzit te Kavajes, me rezultatin 3-1. Ky rezultat ka qene i papritur edhe per numrin nje te stolit te bardhebluve.

“Nuk e kam pritur e madje as parashikuar se do te humbnim perballe nje skuadre thuajse te panjohur per ne, pranon Tafaji. Menduam te perdornim nje formacion te kombinuar, duke aktivizuar edhe disa te rinj. Por skuadra nuk iu pergjigj asaj qe kerkova. Sigurisht qe nuk na shqeteson vetem fakti se humbem, por ajo qe Tirana nuk beri aspak lojen e saj te zakonshme. Nuk eshte rezultati qe frikeson per te vene ne diskutim kualifikimin qe pas dy javesh them se do te na perkase ne”, perfundoi Tafaji.  
 
 

Top Channel