Valentino Rossi eshte vetem nje hap larg boterorit te nente dhe per ta shijuar suksesin ai nuk deshiron te humbase kohe.
“Doktori” e vlereson shume vendin e dyte ne Phillip Island qe rezultoi vendimtar duke pare edhe rrezimin e kundershtarit me te rrezikshem, Jorge Lorenzo. “Tani shkojme ne Malajzi, nje tjeter piste e preferuar per mua ku do garoj per te fituar boterorin. Mund te ndodhe gjithcka, por kemi mundesi shume te mira per ta mbyllur kampionatin”, shprehet Rossi qe udheheq renditjen me 38 pike me shume se spanjolli.
“Ne Australi punuam shume mire dhe e dime se jemi ne gjendje te bejme te njejten gje edhe ne Malajzi. Te gjithe jane te perqendruar dhe entuziaste. Do bejme me te miren dhe me pas do te shohim se ku do jemi te dielen ne mbremje”, shton kampioni ne fuqi.
Nga ana tjeter, Lorenzo nuk e sfidon serish Rossi-n, duke pare shanset shume te pakta qe ka ne dispozicion. “Tashme mendoj si te ruaj vendin e dyte. Pas rrezimit ne Australi eshte pozitive te hipesh ne motor kaq shpejt. Nuk u demtova dhe jam ne forme te mire per garen e radhes”, pohon spanjolli i Yamaha-s.
Top Channel
