Bota

SHBA dhe Rusia, bashke kunder Iranit

13/10/2009 13:20

Rusia dhe Shtetet e Bashkuara kane rene dakord per te punuar se bashku per t’u siguruar qe programi berthamor iranian ka qellime paqesore.

Pasi zhvilloi nje takim ne Moske me homologun e saj Sergei Lavrov, sekretarja amerikane e Shtetit Hillary Clinton deklaroi se Irani mbetet nje ceshtje qe shkakton “shqetesim serioz”.

Ajo tha se Shtetet e Bashkuara nuk duan sanksione te metejshme ne kete faze, ndersa Lavrov u shpreh se edhe Rusia eshte e rezervuar persa i perket ketij opsioni.

Irani, qe se fundmi ka publikuar ekzistencen e nje centrali tjeter per pasurimin e uraniumit, ngul kembe se programi i tij berthamor ka qellime paqesore.

Zonja Clinton, e cila ndodhet ne Moske ne perfundim te turit te saj Evropian, e vleresoi Mosken per punen “jashtezakonisht bashkepunuese” me fuqite e tjera boterore per ceshtjen iraniane.

“Ne besojme se Irani ka te drejte te prodhoje energji paqesore, por nuk ka te drejte te pajiset me arme berthamore dhe Rusia eshte dakord me ne per kete”, ka deklaruar Clinton per gazetaret.

Shefja e diplomacise amerikane ka shtuar se nese bisedimet aktuale mes fuqive boterore dhe Iranit do te deshtojne, atehere sanksionet do te jene te paevitueshme.

Nga ana tjeter ministri Lavrov ka saktesuar se dy vendet nuk i kane kerkuar asgje njera-tjetres, por qendrimet e tyre perputhen.

Sekretarja amerikane e Shtetit do te takohet me vone edhe me presidentin Dmitri Medvedev ne rezidencen e tij ne periferi te Moskes.

Top Channel