Shqiperia U-17, sot perballe Hungarise

25/09/2009 09:30

Perfaqesuesja Under-17 fillon sot aventuren e saj ne Hungari, per eliminatoret e Kampionatit Europian te kesaj moshe. Skuadra e drejtuar nga Ardian Mema luan ne Grupin 11, perkrah Kombetares se vendit organizator dhe Sllovakise e Luksemburgut.

Mes 18 te grumbulluarve bie ne sy prezenca e tre lojtareve qe militojne jashte vendit: ata jane Fabio Hoxha (Inter), Flavio Xhani (Palermo) dhe Benkert Abdija (Groseto).

Sfida e pare per kuqezinjte eshte ajo qe do te luhet sot ne oren 17:30 kunder hungarezeve, ndersa takimet e tjera jane me Sllovakine (me 27 shtator) dhe Luksemburgun (me 29 shtator).

Per te bere nje paraqitje sa me te mire ne ndeshjet zyrtare, trajneri Mema zhvilloi nje grumbullim stervitor njejavor me te gjithe futbollistet, nga data 18 deri me 24.

Shqiperia eshte mes 52 perfaqesueseve kontinentale qe do te luajne ne fazen eliminatore: perfaqesueset U-17 jane ndare ne 13 grupe me nga kater skuadra secila.

Shanset per kualifikim ne fazen tjeter jane mjaft te mira, pasi dy skuadrat e klasifikuara ne vendet e para te secilit grup vazhdojne aventuren drejt “Elite Round”.

Sipas skemes, atyre u shtohen edhe dy vendet e treta me te mira te ketyre eliminatoreve.

Ne turin e tyre, ndeshjet e te cilit zhvillohen ne pranveren e vitit 2010, ekipet fituese te shtate grupeve do t’i bashkohen Lihtenshtejnit, vendit organizator te Europianit U-17.

Top Channel