Vendi

Vlore, perplasje ministri-senat

21/09/2009 20:00

Tre jave nga fillimi i vitit te ri akademik ashpersohet konflikti mes Ministrise se Arsimit dhe Univeristetit te Vlores.

Kur ka perfunduar afati i regjistrimeve per studentet e rinj dhe rektorati i Univeristetit te Vlores ka refuzuar 900 maturante, fitues te matures shteterore, por me mesatare nen noten 6, Ministria e Arsimit vendos t’i konsideroje ata te regjistruar automatikisht.

“Ne i bejme me dije studentet se do te quhen te regjistruar dhe do te merren parasysh nga institucionet e arsimit te larte. Eshte ministri i Arsimit ai qe vendos procedurat e regjistrimit ne arsimin e larte”, deklaron Elida Hoxha, drejtoreshe e Arsimit te Larte.

Por stafi akadamik i Universitetit te Vlores duket se nuk do te terhiqet nga vendimi i tij. Ne nje deklarate per mediat ata theksojne se senati i ketij universiteti ka marre nje vendim ne maj te vitit 2008 per te pranuar si studente te rinj vetem ata qe shpallen fitues te matures shteterore, por me mesatare mbi noten 6.

Ne deklarate thuhet se ligji i arsimit te larte u jep te drejten institucioneve arsimore te percaktojne kritere te vecanta per perzgjedhjen e kandidateve dhe se ky vendim eshte derguar ne Ministrine e Arsimit qe ne maj te vitit 2008, cka i jep te drejte universitetit te refuzoje te rinjte me mesatare nen noten 6 per vitin akademik 2009-2010.

Stafi akademik i Universitetit te Vlores sqaron se nese do t’u behet presion te shkelin kete ligj, ata nuk do te punojne ne nje universitet ku neperkembet dinjiteti i senatit dhe stafit akademik me urdhera arbitrare institucionale.

Sipas tyre, Ministria e Arsimit deklaron per bashkepunim, por ne asnje rast ajo nuk ka bashkepunuar me stafin e Universitetit te Vlores as kur jane kerkuar ambjente te reja, as per hapjen e degeve te reja dhe as per projektet shkencore.

“Ministria ngelet e hapur per cdo bashkepunim me universitetet. Cdo kerkese qe ata kane pasur nuk eshte refuzuar. Ato qe jane plotesuar jane miratuar, ndersa te tjerat jane ne proces”, sqaron Elida Hoxha.

Sipas drejtores se Arsimit te Larte, te 900 studentet tashme duhet te vijojne me procedurat e tjera te regjistrimit deri ne shpalljen e listave perfundimtare.

Top Channel