Rimekembja e ekonomise ne Europen Lindore do te jete e ngadalte dhe e gjate, me prani te rrezikut.
Analiza e fundit, bere nga drejtuesit me te larte te Bankes Europiane per Rindertim dhe Zhvillim (BERZH), del ne konkluzionin se vendet e Europes Lindore do te kene veshtiresi ne kapercimin e krizes, per shkak te vales se dyte te efekteve. Sipas studimit, kriza do te kaloje me mjaft veshtiresi ne vende si Rusia, Ukraina, Letonia dhe Hungaria. Sipas krye-ekonomistit te BERZH-it, Erik Berglof, keto vende do te kene veshtiresi ne menaxhimin e deficiteve buxhetore, si pasoje e renies se te ardhurave dhe planit te larte per investime.
BERZH thekson problemet e shumta me bankat, si rrjedhoje e kredive te keqija, por shton se rimekembja, gjithsesi, do te vije. Ekspertet e bankes, ne muajin maj kane dale ne parashikimin se rritja ekonomike ne kete rajon ne vitin 2009 do te bjere me rreth 5.2 per qind.
Sa i takon Shqiperise, me heret BERZH ka parashikuar nje rritje ekonomike per vitin 2008, jo me te larte se 4 per qind, ndersa qeveria pretendon te arrije ne 5.8 per qind (rishikuar se fundmi).
Raporti i publikuar pak kohe me pare evidentonte se rritja ne Shqiperi ka arritur 6.1 per qind ne vitin 2008, nga 6 per qind qe ishte ne vitin 2007, ndersa ne vitin 2009 rritja pritet te arrije ne jo me shume se 4 per qind. Sipas BERZH-it, “Shqiperia po vazhdon te kete nje progres te mire ne disa fusha, por nevojiten me shume perpjekje per te permiresuar mjedisin e biznesit dhe rritjen e cilesise se infrastruktures per te ruajtur ne te ardhmen rritjen mbreselenese ekonomike te viteve te fundit”.
Efektet e krizes ekonomike ne bote kane shkaktuar me qindra mijera te papune, falimentim biznesesh, mbyllje bankash dhe pasiguri te medha per te ardhmen. Vetem ne SHBA, ne dy vitet e fundit kane falimentuar mbi 80 banka, ndersa papunesia po prek nivelin 10 per qind.
Top Channel
