Dita e pare e shkolles po afron, ndersa shperndarja e teksteve shkollore, per nxenesit e Rrethit te Dibres, mbetet problem.
Lajmin e bene te ditur mesues dhe drejtues shkollash te ketij rrethi. Nderkohe qe MASH deklaroi se shperndarja e teksteve do te fillonte ne fillim te muajit gusht, edhe pse jemi ne fillim te shtatorit, ajo nuk ka nisur pothuajse ne asnje nga shkollat e zonave te thella malore.
Aktualisht merret vesh se vetem ne qytetin e Peshkopise dhe shkollat perreth ka nisur shperndarja e librave, ndersa per zonat e thella ajo nuk dihet se kur do te filloje.
“Kemi bere perzgjedhjen e teksteve dhe ne fakt eshte bere shpallja e listave per tekstet alternative sipas kerkesave te mesuesve, klasave dhe viteve”, tha per gazeten nje mesues i shkolles se Maqellares.
Sipas tij, shtepite botuese te kontraktuara nuk po tregohen korrekte me shperndarjen e librave. Duket se shperndarja e librave shkollore, per nxenesit e ketij rrethi, nga ana e distributorit te caktuar nga shtepite botuese do krijoje mjaft probleme e pengesa ne nisjen mbare te ketij viti shkollor. Merret vesh se DRA-ja po punon per plotesimin e kuadrit mesimdhenes ne shkolla, ku per kete vit pritet nje shkurtim i ketij kuadri me rreth 50 mesues me pak se viti i kaluar.
Mesues te shkollave te ketij rrethi, edhe pse pa emra konkrete, pohojne se deri me tani ne asnje shkolle te zones rurale nuk ka mberritur lista e plote me kuadrin perkates mesimdhenes ne shkolla. Kjo ka bere qe mesuesit mesuesit te mbeten te pasigurt per vendin e tyre te punes, edhe pse pak dite i ndajne ata nga nisja e mesimit.
Top Channel
