Grupi parlamentar i PS vendosi bojkot ndaj kuvendit si shprehje e qendrimit te Partise Socialiste per zgjedhjet e 28 qershorit te cilat Partia Socialiste , i ka konsideruar me vullnet te deformuar dhe institucionet e dala prej saj ilegjitime.
Socialistet vendosen dhe disa kushte per shumicen plotesimi te cilave do te beje te mundur pjesemarrjen e socialisteve ne kuvend.
Kushti me i rendesishem mbetet hetimi parlamentar i zgjedhjeve, por listes se kushteve i jane shtuar edhe te tjera qe kane lidhje me drejtesine, median zbardhjen e vrasjes se deputetit Xhindi.
Nje prej pikave per te cilen socialistet nuk moren vendim ishte nese do te marrin ose jo pjese ne diten e pare te hapjes se punimeve te kuvendit te ri, ku dhe do te kryhet verifikimi i mandateve.
Per te marre kete vendim qe konsiderohet modalitet nga socialistet, do te ngrihet nje grup pune, i cili nuk ka shume kohe per te vendosur pasi te henen mblidhet seanca e pare e parlamentit.
Vendimi i shumices ne grup parlamentar eshte kundershtuar nga Blushi, Malaj, Islami, Bello, Harasani qe votuan kunder. Argumenti i tyre ashtu sic edhe eshte bere i ditur ne takimet e tjera te forumeve te socialisteve, qe duhen vendosur raporte te kushtezuara me kuvendin por brenda salles se kuvendit, pasi hetimi parlamentar per zgjedhjet sipas tyre nuk mund te kryhet jashte dyerve te parlamentit.
Nderkohe kundershtaret e Rames ndajne te njejtin mendim kur behet fjale per te vleresuar zgjedhjet e 28 qershorit, por ndahen me kryetarin dhe shumicen qe mbeshtet ate, kur behet fjale per te bojkotuar kuvendin.
Top Channel
