Ndersa Partia Socialiste po pergatitet per Kongresin e Jashtezakonshem, 8 prej anetareve te Kryesise se PS-se kane kerkuar mbledhjen urgjente te kryesise.
Sipas kerkeses, 8 anetaret te kryesuar nga Ben Blushi dhe te ndjekur nga Arben Malaj, Kastriot Islami, Andis Harasani e te tjere, shprehen se, “ne kushtet kur kryesia e PSSH-se nuk eshte mbledhur per nje kohe te gjate pas zgjedhjeve te 28 qershorit, ne prag te Kongresit si dhe ne kushtet kur mandati i kryetarit te PSSH-se eshte nderprere, e vleresojme te nevojshme thirrjen e Kryesise per te diskutuar nje sere ceshtjesh si: thirrjen dhe organizimin e Grupit Parlamentar ne prag te hapjes se sesionit te ri te Kuvendit te Shqiperise; perfshirjen ne rendin e dites se Kongresit te disa ndryshimeve ne Statutin e PSSH; pergatitjen dhe Administrimin e Kongresit; garantimin e transparences gjate dites se Kongresit; diskutime per organizimin dhe mbarevajtjen e procesit te zgjedhjes se Kryetarit te PSSH-se”.
Kerkesa mban firmen e 8 anetareve dhe eshte derguar sot paradite, nderkohe qe te shtunen do te mblidhet Kongresi i Jashtezakonshem ku do te diskutohet lidhur me qendrimin ndaj zgjedhjeve te 28 qershorit dhe do te regjistrohen kandidaturat per postin e kreut te PS-se. Kongresi pritet te caktoje daten e zgjedhjes se kryetarit qe do te votohet me parimin “nje anetar nje vote”.
Top Channel
