Besa ka “petkun” e pretendentit

Besa vendase ka pritur Vllaznine, e cila vinte ne kete sfide me disa mungesa per shkak te demtimeve, duke fituar 2-0. Kane qene kavajasit ata qe e kane diktuar ritmin e kesaj ndeshjeje, e cila ne fillimin e saj u duk e merzitshme.

Ne minutat e para te dyja skuadrat jane munduar te studiojne lojen e kundershtarit. Vendasit kane qene me kerkues dhe i kane rrezikuar me ane te sulmuesit te ardhur vetem pak jave me pare, Daniel Xhafajt: ai godet fluturimthi ne minuten e 14, por topi ka shkuar shume prane kuadratit te portes dhe jo brenda tij. Me pas kane provuar edhe Arapi dhe Mancaku, por ne asnje moment nuk i jane afruar golit. Kunderpergjigjen per Vllaznine e ka dhene Nallbani, i cili me nje gjuajtje te forte nga distanca ka vene ne prove portierin Orges Shehi.

Ne minutat ne vazhdim ka filluar te ndihet dora e arkitektit te Beses, Shpetim Duro, i cili orienton lojen ne cdo moment dhe kavajasit gjejne golin e avantazhit pas shume rastesh te humbura, here per gabime te lojtareve te tyre, por edhe per merite te portierit shkodran Grimaj. Ne minuten e 43-te, Poci pason per Daniel Xhafen, ky i fundit e ul mire topin dhe e ka cuar ne rrjete. Vllaznia ndeshkohet edhe per shkak te nje mbrojtjeje te pavemendshme qe e la plotesisht te lire mbrojtesin. Me rifillimin e pjeses se dyte, ne minuten e 52-te, Daniel Xhafaj ben nje finte, topi shkon te Fagu shenon me nje gjysme rovishate e tij gjen rrjeten e portes se Vllaznise.

Vllaznia zgjohet dhe Kasapi shkakton dritherima ne porten e Beses, kur ekzekuton bukur nje goditje denimi, duke e cuar topin shume prane trekendeshit. Vendasit nuk jane dorezuar dhe Mihani ben nje gjuajtje mjeshterore, por po aq spektakolare ka qene edhe pritja e Grimes. Shkodranet perpiqen, por pengese e pakalueshme per te eshte edhe portieri Orges Shehi. Nis festa e Beses, ndersa Vllaznia zhgenjen me kete humbje dhe nivel loje. 

Top Channel