Boterori i Atletikes, Gej-Bolt favoritet ne 100 m

Bolt, rekordmeni i 100 dhe 200 metrave i cili dominoi lojrat olimpike Pekin 2008, ka bere nje paraqitje shume te mire ne baterine e tij duke u pare i buzeqeshur me rivalin Daniel Bailej ne 50 metrat e fundit te gares. Kjo bisede e renditi ate ne vendin e dyte me nje te mijtat e sekondit me i ngadalte se Bailej, megjithate ishte nje rezultat i mjaftueshem per ta kualifikuar per ne finale. Edhe amerikani Tajson Gej ka regjistruar kohen e tij me te mire te ketij viti, pasi mori kryesimin e gares pas 80 metrave duke ndalur kronometrin ne 9.98 sekonda, duke lene pas xhamajkanin Majkell Frater.

Sot ne mbremje e gjithe vemendja do te jete ne Berlin ku ne oren 21:30 do te startoje finalja e gares se 100 m. Do te jene Usain Bolt e Tajson Gej protagonistet kryesore qe do te duelojne per medaljen e arte. Pretendenti i trete do te jete amerikani Majk Pauell i cili ka regjistruar kohen me te shpejte te 100 metrave ne kualifikuese.

Keniania Linet Masai ka ndalur dominimin e atleteve etiopiane ne garen e 10.000 metrave pasi ka arritur t’i marre ne finish vendin e pare Malkamuse e cila filloi te festonte shume shpejt. Masai u rendit e katerta ne olimpiade, arriti te kaloje ne 300 metrat e fundit dy atletet etiopiane duke ndaluar kronometrin ne kohen 30:51. Etiopia ka fituar pese here radhazi titullin kampione ne kete disipline, por ne prag te kampionatit atyre iu demtua atletja kryesore dhe kampionia e botes ne fuqi Tirunesh Dibaba.

Rusia mori medaljen e saj te pare te arte ne boterorin e atletikes pasi Valeriu Borshin kaloi i pari finishin ne ecje sportive 20 km duke regjistruar kohen 1.18.41. Pas tij u rendit atleti Kinez Hao Wang dhe meksikani Eder Sancez qe ishte njekohesisht edhe fituesi i medaljes se bronxte.

Top Channel