Tamiflu, “e keqe”, e domosdoshme kunder AH1N1

Ky preparat ka manifestuar efekte anesore ne perdorimin e tij te te semuret e infektuar nga virusi AH1N1 dhe per nje gje te tille edhe mjeket jane ne dijeni.

Pellumb Pipero, mjek infeksionist, si dhe anetar i komisionit te pandemise qe eshte ngritur prane Ministrise se Shendetesise sqaron se rezultati i medikamentit te Tamifluse ne rastet e prekura nga gripi i derrave ka qene mjaft i efektshem.

Megjithate, doza qe aplikohet per 5 dite gjate shfaqjes se simptomave te AH1N1 mund te manifestohet edhe me disa efekte anesore. Sipas mjekut infeksionit, Pipero medikamenti mund te shkaktoje alergji apo edhe te vjella dhe me te dukshme keto shfaqje jane te femijet e vegjel.

Ai sqaron me tej se kura e Tamifluse aplikohet brenda 48 oreshit te pare te shfaqjes se simptomave te gripit te derrit. Ndersa, lidhur me efektin sherues te ilaçit, ai pohon se arrin deri ne 98 per qind te shkaterrimit te virusit.

Por perdorimi i ketij mjekimi qe ka rezultuar si shkaterrues i semundjes qe ka zhytur ne panik miliona njerez ne vendin tone rrezikohet per shkak te voneses ne pergjigjen e analizave.

Kjo per shkak se kampionet qe merret nga personat e dyshuar si te infektuar me virusin AH1N1 pas analizave te kryera ne laboratorin e Institutit te Shendetit Publik ku saktesohet tipi i gripit, duhet te dergohen ne Rumani per te percaktuar edhe nentipin e tij.

Por Laboratori i references ne Bukuresht mbulon te gjithe Europen Juglindore, qe si çdo zone tjeter eshte ne gjendje alerte per shkak te kesaj epidemie.

Per pasoje, pergjigjja e analizave te pacienteve te dyshuar mberrin kur ata te gjithe jane trajtuar dhe kane dale nga gjendja gripale. Kjo vonese ve ne dileme mjeket per perdorimin e Tamifluse qe domosdoshmerisht ne rastet e te prekurve me virusin AH1N1 duhet te aplikohet brenda 48 oreve nga shfaqja e simptomave te para te gripit.

Mjeket specialiste deklarojne  se nje person qe ka kaluar nje here virusin AH1N1, gripi i derrave nuk mund t’i kthehet perseri.

E duke qene se per momentin format qe po qarkullojne ne vend te ketij virusi jane te lehta do te ishte i favorizuar ai qe e kalon gripin ne kete periudhe. Sipas profesor Dhimiter Krajes, shef i Sherbimit Infektiv ne QSUT, numri i rasteve krahasuar me 2-3 javet e para ka ardhur ne renie.

Deri me tani, sipas shefit te sherbimit te infektivit ne spitalin “Nene Tereza”, jane trajtuar pese raste te konfirmuar me grip derri. Tre prej tyre kane marre mjekimin me tamiflu.

Ndersa, kane qendruar te shtruar 36 raste te dyshuar prej te cileve vetem 4 jane trajtuar me tamiflu. Sipas profesor Krajes, virusi i shfaqur tek pacientet ka qene i formave te lehta ose te mesme. Por, deri me tani, asnje rast nuk ka pasur komplikacione apo pasoja per jeten.       

Top Channel