Muzike, karburant dhe narkotike. Ky eshte konsumi kryesor qe shoqeron jeten e nates ne sezonin veror ne Sarande, duke e vene ate ne toplisten e qyteteve me perdorues dhe tregtues narkotikesh, sipas autoriteteve policore.
Postblloqet e shumta te ngritura nga Policia Rrugore e Sarandes per kontrollin e automjeteve kane zbuluar ditet e fundit disa drejtues mjetesh, qe qarkullonin nen efektin e pijeve alkoolike dhe lendeve narkotike, si marijuane dhe heroine, nderkohe qe disa sasi jane sekuestruar.
Operacioni mesohet se ka nisur qe prej dates 1 gusht dhe kontrollet e policise se qarkullimit rrugor dhe asaj te rendit, ushtrohen çdo dite, sidomos ne oret e mbremjes e nates.
Shefi i sherbimit te qarkullimit rrugor, Gjylani Shehu, thote se jane shenuar disa raste kur jane konstatuar drejtues automjetesh qe i ngisnin ato nen efektin e alkoolit apo droges. Disa te tjere jane shoqeruar ne komisariat si mbajtes te substancave narkotike.
Forcat e policise kane perdoruar mjete speciale per kontrollin e drejtuesve te automjeteve. Ne rastet kur ata kane rezultuar perdorues te alkoolit pertej normave te lejuara, shprehet Shehu, jane marre masa deri ne pezullim te lejeve te drejtimit. Brenda tri diteve te fundit jane pezulluar kater te tilla.
Nderkohe, ne oret e para te mengjesit te se enjtes, eshte sekuestruar nje sasi prej 8.8 gramesh kanabis sativa. Mbajtesi i saj eshte shoqeruar ne Komisariatin e Sarandes, ku rezultoi se ai e kishte per perdorim vetjak. Nderkaq, ne oret e para te mengjesit te se premtes eshte zbuluar nga policia nje shtetas, i cili mbante nje sasi prej 2 gramesh lende narkotike te dyshuar si heroine.
Ai eshte shoqeruar menjehere per ne Komisariatin e Sarandes. Ndaj tij kane nisur hetimet e metejshme. Per Policine e Sarandes, kjo dukuri eshte shqetesuese, sidomos per qytetin. Sipas tyre, Saranda ne kete sezon vere rezulton te jete qyteti me me shume perdorues te lendeve narkotike ne shkalle vendi.
Mesohet se shifra e tyre ka pesuar rritje pas ardhjes se mijera pushuesve nga rrethe apo shtete te tjera. Me gjithe marrjen e sinjaleve shume te forta edhe per shtrirjen e narkotrafikut, ne kushtet kur numri i popullsise ne kete sezon mund te jete trefishuar, eshte veshtiresuar edhe puna zbuluese e policise, e cila mendohet se deri tani nuk ka arritur te tregtaret e vertete te sasive te vogla te hashashit, heroines e kokaines, tregti qe dihet se behet edhe ne lagjet e ndryshme te qytetit te Sarandes.
Top Channel
