Saranda, me e mbrojtur nga kriza
25/07/2009 08:50
Politika shqiptare uron besimtarët myslimanë për Kurban Bajramin 06/06 08:55
Biznesmenet qe kane investuar ne ndertim apartamentesh ne Sarande, duket se jane prekur me pak nga kriza qe e ka mberthyer kete sektor, sesa pjesa tjeter e vendit, bejne te ditura agjencite e pronave te paluajtshme.
Nje numer i konsiderueshem bleresish te huaj kane zgjedhur Saranden per shtepine e tyre te pushimeve nen diell, pasi qyteti jugor rezulton sot me lehtesisht i arritshem nga pronaret e huaj se shume pjese te territorit te vendit.
Te pasurit e Europes Veriore dhe Perendimore, e kane te zakonshme tashme te kalojne pushime ne Mesdhe per te shijuar diellin e bollshem, ndersa shume prej tyre zgjedhin te blejne shtepi ne vende si Kroacia, Mali i Zi, Turqia, Spanja apo ishujt Kanaries.
Disa vite me pare, edhe Shqiperia terhoqi vemendjen e bleresve te huaj, kryesisht per shkak te kostos se ulet te shtepive ne krahasim me destinacionet e tjera mesdhetare.
Bleresit e apartamenteve qe jane ndertuar ne Sarande, perdorin zakonisht aeroportin e Korfuzit dhe linjen e tragetit Sarande-Korfuz.
Destinacione te tjera turistike si Vlora, jane me veshtire per t’u arritur nga bleresit qe jetojne ne Europen Perendimore. Saranda duket se po perfiton edhe nga çmimet e lira te fluturimeve ajrore drejt Korfuzit, te cilat jane dy-tre here me pak te kushtueshme sesa fluturimet drejt Tiranes.
Top Channel
