Nisin aplikimet per transferimin e studimeve

Konkretisht, te gjithe studentet te cilet aktualisht ndjekin studimet jashte vendit, apo ne nje nga universitetet e tjera te vendit, mund t’i transferojne ato prane fakulteteve te Universitetit te Tiranes.

Kjo eshte nje procedure e cila realizohet çdo vit per nje numer te kufizuar studentesh. Pavaresisht kerkesave te cilat jane te shumta, eshte nje numer i vogel studentesh qe perfitojne nga mundesia e transferimit. Kriteret dhe dokumentacioni i kerkuar shqyrtohen nga specialistet e Universitetit te Tiranes. Me pas shpallen fituesit.

Rektorati njofton se tashme eshte çelur faza e aplikimeve dhe deri ne daten 11 shtator do te priten te gjitha dokumentet qe do te dorezojne te interesuarit.

Universiteti i Tiranes u jep mundesine  studenteve te universiteteve private, por edhe atyre qe  studiojne jashte vendit, t’i transferojne studimet ne fakultetet e tij.

Sipas sqarimeve nga Universiteti i Tiranes, dokumentet per kryerjen e transferimeve te studimeve do te pranohen deri me date 11 shtator 2009.

Dokumentet qe nevojiten per kete procedure jane: kerkesa per transferim; permbajtja e planit dhe e programit te studimit; lista e lendeve, krediteve dhe notave te fituara prane IAL perkates; kopje e noterizuar e indeksit te notave (Per IAL qe kane indeks); kopje e noterizuar e diplomes se shkolles se mesme.

Per Institucionet e Arsimit te Larte jashte vendit dokumentacioni duhet te jete i perkthyer ne shqip dhe i noterizuar ne Shqiperi. Te gjitha dokumentet duhet te jene te certifikuara nga institucioni qe i ka leshuar. Mandati i arketimit, qe eshte 1000 leke, duhet te kaloje permes llogarise bankare Nr. 589007 ne “Banka Credins”.

Top Channel