Apolonia terheq fanellen e Kujtim Majacit
25/07/2009 08:30
“Shuplakat” e radhës ndaj Barçës, Girona shpall Realin kampion 04/05 20:49
Apolonia nderon Kujtim Majacin, i cili u nda nga jeta perpara kohe, pas nje infarkti te miokardit. Asambleja e klubit te futbollit eshte mbledhur urgjentisht gjate pasdites se te premtes dhe ka marre tri vendime te rendesishme per te mbajtur lart emrin e ish-legjendes se qytetit te Fierit.
Endri Puka, presidenti i Apolonise, konfirmoi vendimet e marra nga Asambleja. “Fanella me numrin 11, qe eshte mbajtur nga Kujtim Majaci, nuk do te perdoret me ne skuadren tone.
Nje fanelle me kete numer do te jepet ne fund te çdo kampionati, si nje trofe per ate qe do te shpallet futbollisti me i mire i sezonit tek Apolonia.
Pra, ajo do te jete ne dispozicion te Akademise, me qellim qe per çdo vit te nderohet lojtari me i mire i te gjitha koherave ne Fier. Kjo do te pasohet nga nje tjeter vendim, qe lidhet me çeljen e nje muzeu, per nder te Majacit. Aty do te pasqyrohet karriera futbollistike e ketij lojtari te madh ne futbollin fierak dhe ate vendas, por edhe historia e ekipit te Apolonise. Perballe Akademise, ne sheshin kryesor do te vendoset nje memorial i Kujtim Majacit”, konfirmoi drejtuesi i skuadres.
Vleresimet per ish-lojtarin e Kombetares, qe vetem 10 dite me pare mori titullin “Qytetar Nderi” ne Fier nuk perfundojne me kaq. Asambleja vendosi edhe zhvillimin nje here ne vit te nje turneu qe do te mbaje emrin “Kujtim Majaci”.
Aktiviteti do te zhvillohet ne muajin gusht te çdo viti, atehere kur skuadrat kryejne fazen pergatitore, vetem pak kohe perpara fillimit te kampionatit ne Shqiperi. Aty pritet te marrin pjese 5 deri ne 7 ekipe, ndersa te ardhurat e grumbulluara do t’i jepen familjes Majaci.
Top Channel
