Transporti, asnje levizje pa bilete
24/07/2009 09:30
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Askush nuk mund te udhetoje pa u pajisur me bilete, ne te kundert do te gjobitet. Kesaj here, Ministria e Financave ne bashkepunim me administraten tatimore e ka marre seriozisht luften kunder evazionit dhe informalitetit ne sektorin e transportit rrugor.
Vendimi prek me se shumti linjat e medha te transportit, te cilet ne te shumten e rasteve nuk i pajisin pasagjeret me bileta, kurse per taksite dhe furgonet, do te punojne me ane te taksimetrit.
Nje vendim i marre ne muajin qershor, por i fuqizuar ne ditet e fundit, udhezon tatimoret dhe subjektet private si te veprojne ne permbushjen e detyrimeve per t’u pajisur me bilete.
Ne piken dy te vendimit, ministria sqaron se, bileta duhet te kete brenda ne çmim edhe vleren e shtuar, pra TVSH-ne, duke iu referuar legjislacionit ne fuqi.
Per te zbatuar vendimin, i cili prek te gjitha linjat e transportit brenda dhe jashte vendit, ministria ka udhezuar tatimoret sesi te veprojne. Megjithate, vendimi nuk sqaron sesi do te veprohet me taksite, qe i kane te vendosura taksimetrat, por qe nuk jane ne pune, per shkak te mosmiratimit te tarifave.
“Ne rastet e sherbimeve per te trete ose ne sherbime te rregullta, te specializuara apo te organizuara brenda vendit ose nderkombetare, pasagjeret nuk pajisen me bileta, por agjencia e udhetimit i leshon faturen tatimore drejtuesit te shoqerise ose perfituesit te sherbimit. Ne keto raste, drejtuesi i mjetit duhet te kete gjate udhetimit listen e udhetareve dhe faturen tatimore, te leshuar nga agjencia e udhetimit”, sqaron ministria.
Top Channel
