Lorik Cana, destinacioni Arsenali?

24/07/2009 08:15

Ne keto momente, askush nuk mund te thote se cila eshte e ardhmja e Lorik Canes.

Per kapitenin e Olimpik Marsejes interesohen shume skuadra nga Anglia, Gjermania, Italia madje edhe nga Ukraina e Turqia, nderkohe qe ne ditet e fundit nuk u perjashtua hipoteza e qendrimit te tij ne “Velodrom”.

Zhvillimet me te fundit rreth mesfushorit te kombetares flasin per kalimin e tij tek Arsenali. Skuadra e drejtuar nga Arsen Venger eshte shnderruar ne destinacionin me te mundshem te 25-vjecarit.

E perditshmja franceze “Le Parisien” theksonte se drejtuesi i stolit te “topcinjve” e ka monitoruar me kujdes situaten e Canes dhe tashme eshte i gatshem te beje nje oferte zyrtare te Marseja.

Ne rast transferimi ne “Emirates Stadium”, shqiptari do te ribashkohet me talentin francez, Samir Nasri, me te cilin ka luajtur ne Ligen 1. Duhet theksuar se edhe Evertoni ne Premierlige dhe Hamburgu ne Bundeslige vazhdojne te jene te interesuar per Canen, por prestigji i Arsenalit mund te beje diferencen.

Top Channel