Brace: Berisha zbrazi buxhetin per fushate
24/07/2009 12:40
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
PS akuzon qeverine dhe kryeministrin Berisha se ka zbrazur buxhetin e shtetit per qellime elektorale.
Ne 6 muaj, sipas zyrtarit te selise roze Erjon Brace, ne buxhetin e fryre te shpenzimeve partiake jane perfshire para te krimit ekonomik, te korrupsionit dhe kontrabandes, duke hequr nga buxheti i shtetit sipas tij keto shifra:
“Berisha i hoqi buxhetit 92 milione dollare te ardhura nga tatimi mbi vleren e fituar, si dhe nga akcizat, duke ia shtuar buxhetit te krimit, kontrabandes dhe korrupsionit. I hoqi buxhetit 31.7 milione dollare si shpenzime te teperta per personelin per 15 militantet politike qe mbahen nga taksat tona. U hoqi 6.3 milione dollare si shpenzime te teperta per ndihme ekonomike dhe 50 milione dollare per hapjen e qindra kantiereve me skema mashtruese. Berisha i mori buxhetit per interesat e tij 185 milione dollare”, ka deklaruar Brace.
Nevojat elektorale te kryeministrit, tha Brace, kane bere qe deficiti buxhetor te arrije vetem ne 6 muaj 343 milione dollare, ose 62 milione dollare me shume se planifikimi.
Zoti Brace shkon me tej ne argumentat e tij ekonomike kur thote se per te financuar kete deficit, kryeministri ka shpenzuar te gjitha parate e arketuara nga privatizimet, plot 225.8 milione dollare, 118 milione me shume se planifikimi.
Ai ka tejkaluar gjithashtu, sipas zyrtarit te selise roze, ne 158.2 milione dollare ose 135 milione dollare financimin e deficitit te huaj dhe po ashtu ka tejkaluar ne 189 milione dollare ose 126,7 milione planin aftagjate te qeverise.
“Pikerisht se eshte keshtu, dy dite me pare nderpreu financimin e tenderave deri ne dhjetor. Berisha tha se tenderat vjeshtuke nuk jane produktive, por me lejoni te them se Berisha per te boshatisur buxhetin dhe per te hapur kantierin elektoral ka bere tendera ne tetor e dhjetor te vitit 2008”, ka shtuar Brace.
Top Channel
