Krasniqi rikthehet, serish kunder Dimitrenkos

Ai do te boksoje serish kunder Aleksander Dimitrenkos. Lajmi eshte bere i ditur nga gjermania “Bild”. “Krasniqi dhe Dimitrenko do te perballen ne vjeshte”, theksohej ne versionin elektronik te tabloidit.

Kane kaluar rreth tete muaj, prej sfides se fundit te Krasniqit, te cilen 38-vjecari e humbi pikerisht perballe boksierit ukrainas, Dimitrenko, me nokaut teknik ne raundin e trete. Pikerisht ne momentin kur shpresat e boksierit shqiptar qe konkurron per Gjermanine po shuheshin, deshtimi i perballjes se Dimitrenkos me britanikun Edi Cejmbers, ndryshoi situaten.

“Promotori Klaus-Peter Kohl dhe Luan Krasniqi kane arritur marreveshjen”, theksonte “Bild”. Edhe Zhan-Marsel Nartz, zevendespresident i Shoqates se Boksiereve Profesioniste te Gjermanise, eshte shprehur i bindur se kjo ndeshje do te zhvillohet. “Lufta po vjen”, ka thene Nartz me entuziazem.
Ne vitin 2007, Luan Krasniqi kishte ngritur dyshime rreth vazhdimit te karrieres si profesionist. Gjithcka erdhi menjehere pas humbjes me nokaut teknik ne duelin kunder amerikanit Toni Tompson.

Megjithate, pas konsultimeve me familjen dhe miqte e tij me te afert, ai vendosi t’i rikthehej ringut. Kosovari me pasaporte gjermane, u kthye ne ring i bindur se ishte ne gjendje te behej serish sfidant per titullin e kampionit te botes. Por, endrra e tij u thye pa meshire nga Aleksander Dimitrenko. Perballja e dyte me ukrainasin, shihet jo vetem si rasti i fundit per te enderruar brezin, por edhe per t’u hakmarre ndaj Dimitrenkos.

Top Channel