Short “big” per Flamurtarin

Goglat ne shortin e djeshem te zhvilluar ne Nion nuk jane treguar “bujare” me kuqezinjte, duke i rezervuar ne turin e trete te ndeshen me fituesen e çiftit Steaua Bukuresht-Ujpesti.

Rumunet shihen si favoritet per vazhdimin e aventures europiane, pasi fituan 2-0 sfiden e pare me hungarezet e drejtuar nga ish-ndihmestrajneri i Selltik, Uilli MekStei. Steaua eshte klubi me i suksesshem i Rumanise ne aktivitetet kombetare (23 here kampione) dhe nderkombetare.

Ne vitin 1986, ata u bene skuadra e pare e Europes Lindore qe fitoi Ligen e Kampioneve. Gjithsesi, eshte per t’u theksuar nese kete raund marrin pjese edhe shume ekipe te medha, duke filluar nga italianet e Romes, holandezet e PSV Eind’hovenit, izraelitet e Hapoel Tel-Aviv, gjermanet e Hamburg, spanjollet e Atletik Bilbaos, anglezet e Fulham e skuadra te njohura bullgare, ukrainase, qipriote e greke.

Natyrisht qe me pare vlonjatet duhet te mendojne te mos humbasin ne takimin e kthimit me Madheruell, pasi triumfi 1-0 i se enjtes e le te hapur çeshtjen e kualifikimit.

Te enjten e ardhshme ne “Fir Park” skuadra e talentuar e Eqerem Memushit duhet te jape gjithçka ne fushe, per te kompletuar rikthimin e suksesshem ne Europe, pas 13 sezoneve mungese (ndeshja e fundit ishte ne sezonin 1996/’97, ku kuqezinjte luajten ne Kupen e Kupave me sllovaket e Kelmon Humene).

Gjithsesi, perballja e mundshme me nje emer te madh te futbollit ballkanas si Steaua ka edhe anet pozitive: duke filluar nga perfitimet, nga biletat, te reklamat dhe shitja e te drejtes televizive. Interesimi do te jete i madh per vete faktin se ne kontingjentin e drejtuar nga italiani Kristiano Bergodi luajne disa futbolliste te perfaqesueses rumune, si Gionea, Petre, Nikolita e Goian.

Vllaznia eshte pothuajse e skualifikuar nga Liga e Europes. Shkodranet nuk kane shanse per te permbysur humbjen 5-0 ne sfiden e pare me Rapidin e Vjenes. Sipas shortit, austriaket do te ndeshen ne turin e trete eliminator me qipriotet e APOP Kiniras Pejias.

Ndeshjet do te luhen me 30 korrik dhe 6 gusht, ndersa vetem 30 nga 70 skuadrat qe do te marrin pjese ne kete tur jane kualifikuar automatikisht. 35 skuadrat qe kualifikohen ne turin e katert do te luajne ne “play-off” perkrah 41 klubeve te tjera, duke perfshire ketu Verder Bremen, Benfika, Aston Vila, Ajaks dhe 15 skuadrat qe eliminohen nga raundi i trete i Champions.

Champions

Edhe Tirana ka njohur kundershtaret e mundshem per turin e trete eliminator ne Ligen e Kampioneve. Pas barazimit 1-1 me norvegjezet e Stabaek, bardheblute kane ende shpresa te kualifikohen.

Fituesja e çiftit ku luan kampionia e Shqiperise, do te perballet me fituesen ndermjet FC Kopenhagen dhe malazezeve te Mogren. Kampionet e Danimarkes e siguruan kalimin qe prej 90 minutave te para, ku triumfuan 6-0 ne sfiden e luajtur “Parken Stadium”.
 
 

Top Channel