Madheruell, kunder gjyqtarit Shulitz

18/07/2009 10:45

Trajneri i Madheruellit, Xhim Genon, ka deklaruar se skuadra e tij humbi perballe Flamurtarit vetem prej gjykimit.

Ai ende nuk e kupton perse “bilbili” austriak, Fritz Shulitz, kerkoi perseritjen e penalltise se Xhon Saton, tentativa e dyte e te cilit u neutralizua nga talenti i portes vlonjate, Shpetim Moçka.

Nje episod mjaft i rendesishem, sepse me pas fituesit e Kupes se Shqiperise kaluan ne avantazh me Stratin dhe siguruan fitoren minimale. Genon tha: “Shpjegimi i gjyqtarit per perseritjen e penalltise ishte se nje lojtar kundershtar ndodhej brenda zones. Edhe pse futbollistet tane nuk shkelen rregullin, ai anuloi golin dhe vendosi te perseriste gjuajtjen. Nuk dua ta komentoj me gjate kete çeshtje. Ndoshta ai (arbitri Shulitz) duhet t’i hedhe nje sy rregullores”. Edhe pse vlonjatet ishin dukshem superiore, tekniku i skocezeve beson te kualifikimi: “E humben ndeshjen ne Vlore, por ne sfiden e kthimit do bejme te pamunduren qe ta permbysim rezultatin. Me mbeshtetjen e tifozeve mund t’ia dalim”.

Top Channel