Tevez: U largova per fajin e Ferguson

16/07/2009 08:45

Vetem pasi u be zyrtarisht pjese e projektit ambicioz te sheikut Al Mansur per shnderrimin e Mancester Sitit ne nje skuader elitare, Karlos Tevez ka nisur polemiken ne distance me Ser Aleks Ferguson.

Argjentinasi akuzoi trajnerin e Mancester Junajtid, si personin pergjegjes qe e shtyu larg “Olld Traford”. “Eshte faji i tij qe nuk qendrova te Junajtid. Gjate dy viteve atje, nuk me telefonoi kurre, madje s’me ka derguar asnje mesazh.

Rasti i vetem kur me foli me goje ishte pas finales se Liges se Kampioneve ne Rome, per te me komunikuar grumbullimin ne perfaqesuesen e Argjentines”, tha sulmuesi. “Nuk mendoj se kjo eshte menyra e duhur per te trajtuar lojtaret.

Ferguson nuk me foli asnjehere per mundesine e rinovimit te kontrates, ose per shanset qe te qendroja te ‘Red Devils’ dhe une u detyrova te beja zgjedhjen time. Tifozet e Junajtid do ta kuptojne kete vendim, ata mbeten ne zemren time. Parate nuk jane synimi i vetem ne jete: Siti me donte me cdo kusht dhe ketu gjej nje trajner, qe me vlereson. Keto ishin gjerat per te cilat kisha nevoje dhe qe i cilesoj te rendesishme.

Ky klub ka ambicie te medha dhe deshiroj te jap kontributin tim per ta ngritur mes skuadrave me te forta ne Europe”. Nderkohe, “BBC” theksonte se “Sitizens” jane fare prane zyrtarizimit te Emanuel Adebajor.

Ata bene te ditur se dje ne mengjes, sulmuesi nga Togo zhvilloi vizitat mjekesore te Siti, ndersa Arsenali do te perfitoje rreth 37 milione euro nga transferimi. Gjithsesi, menaxheri i Adebajor kembenguli se lojtari nuk ka kryer testet, pasi ishte ne stervitje me “topcinjte”.

Top Channel