Turku: Bello te faktoje telefonaten kercenuese

14/07/2009 12:10

Menjehere pas deklarates se sekretarit te pergjithshem te Komitetit Olimpik Kombetar Shqiptar, ministri i Sporteve Ardian Turku reagon duke pergenjeshtruar cdo telefonate apo kercenim ndaj sekretarit te KOKSH.

“Nuk kam pasur asnje lloj telefonate dhe asnje lloj kontakti me zotin Bello. E ftoj qe ai te kerkoje me burreri zbardhjen e kesaj bisede telefonike dhe berjen publike per mediat. Dhe atehere do me duhet te kerkoj falje publike me pergjegjesi qytetare dhe shteterore. Nuk ka pasur asnje punonjes te ministrise apo Drejtorise se Sporteve qe t’i kerkohet apo t’i ushtrohet presion per te mos vajtur ne kete mbledhje”, shprehet ministri.

Ne fund te deklarates se tij, ministri Turku pasi i ka kerkuar edhe nje here Komitetit Ekzekutiv qe te lejojne te gjithe kandidatet te marrin pjese, ka rikujtuar se problemi kryesor i sportit eshte cilesia e tij, duke e theksuar si ceshtjen kryesore qe duhet te merret Komiteti Ekzekutiv i KOKSH.

“Komiteti Ekzekutiv, ne opinionin tim eshte nje komitet qe duhet te merret me shume me cilesine e sportit shqiptar. Une do deshiroja te mos kishim me rezultate te tilla me 40 gola diference ne hendboll, apo atlete e notare qe per mungese kushtesh te duken si amatore”, perfundon Turku. 

Top Channel