Bello: Turku me kercenoi

13/07/2009 16:20

Ministri i Sporteve Ardian Turku ka paralajmeruar drejtuesit e KOKSH qe te mos zhvillojne asamblene zgjedhore te ketij organizmi diten e marte.

Sekretari i KOKSH, Stavri Bello pohon se ka marre telefonata kercenuese nga vete ministri Turku, nderkohe qe sipas tij pjesetare te kesaj ministrie, perfshire edhe titullarin, kane filluar fushata kercenuese per pjesetaret e federatave qe do te marrin pjese ne kete asamble zgjedhore.

“Ka tentativa nga MTKRS per ta sabotuar asamblene. Ka pasur nje telefonate kercenuese te ministrit dhe emisare te ministrise ne ambjentet e federatave qe po mundohen te bindin kreret e tyre qe te mos marrin pjese ne asamblene e KOKSH”, ka pohuar Bello.

Persa i perket kandidateve, sekretari Bello pohon se Esat Ademit i eshte hequr e drejta per te kandiduar serish ne kete post per shkak te dhunes ne asamblene e dhjetorit te kaluar.

“Komiteti do te vendose per mos lejimin e kandidimit per shkak te veprimeve te kryera ne asamblene e 6 dhjetorit”, ka shtuar Bello.

Asambleja zgjedhore e KOKSH do te monitorohet nga drejtues te Komitetit Olimpik Boteror dhe ai Europian, nderkohe qe deri tani formularin e kandidimit e kane firmosur Agim Fagu, Vesel Rizvanolli dhe Esat Ademi.

Top Channel