Kur kerkesat ankimore ne KQZ e kane kaluar tashme numrin 30 dhe shumica prej tyre kerkon rivleresim votash, ajo qe pritej me interes te madh te shtunen paradite, ishte seanca per Beratin.
Tre kerkesa ankimore, e socialisteve, republikaneve dhe G99-es per rivleresim votash dhe anulime vendimesh te KZAZ-ve dhe te KQZ-se per qarkun nr 1, ku rreth 3 mije vota jane shpallur te pavlefshme.
Ne pritje te seances, ne prani te personave direkt te interesuar nga kjo ceshtje, anetare te KQZ-se dhe avokate te partive te ndryshme diskutuan bashkarisht per klauzolat e kodit zgjedhor, pa rene ne nje emerues te perbashket.
Me fillimin e saj, seanca zgjat fare pak. Anetaret vendosen njezeri per te bashkuar te tre kerkesat ankimore, por meqe ligji thote se nje seance fillon dhe vazhdon deri ne fund te saj e meqe ne oren 17 ishte fiksuar seanca tjeter e shumepritur per Fierin, KQZ vendosi ta shtyje seancen e Beratit.
Seanca qe do te filloje pasdreke pritet te jete e gjate dhe te hape me ne fund 9 kutite e Fierit. Per kete qark ka dy kerkesa ankimore te bashkuara, ajo e socialisteve dhe ajo e demokrateve.
Top Channel
