Sarande, policia “beteje” per shezlonget

Duke marre shkak nga disa sinjalizime te qytetareve dhe pushuesve te ketij sezoni, per menyren e administrimit te plazheve publike nga privatet, policia bashkiake e Sarandes ka kryer nje inspektim te ketyre hapesirave publike. Mesohet se eshte kerkuar qe te gjithe perdoruesit e plazheve publike te paraqiten ne Drejtorine e Sherbimeve ne bashki per t’u njohur edhe nje here me kriteret e shfrytezimit te siperfaqeve ne plazhe dhe menyren e pageses qe duhet kryer per llogari te bashkise.

“Ne komunikimin tone me perdoruesit e plazheve publike qe ofrojne shezlonge e cadra me qira, u kemi bere te qarte atyre se nje nga kushtet qe ata te vazhdojne te ushtrojne kete veprimtari, eshte lenia e lire per qytetaret e brezit te pare te plazheve, deri te buza e ujit. Vetem ne brezin e dyte do te lejohet te vendosen shezlonge e cadra”, ka thene Ajet Skendaj, polic bashkiak.

Mesohet se kushti eshte pranuar prej privateve, qe e ushtrojne kete veprimtari dhe kjo menyre e re e administrimit te siperfaqes se reres se plazheve ka nisur qe dje. Aksioni eshte konsideruar si faze paralajmerimi, me pas, nese nuk respektohen kushtet, do te ndermerren masa ndeshkimore per te gjithe ata qe shkelin rregullat.
Nderkohe bashkia e qytetit ka marre masa, ne 4-5 plazhet publike, qe gjenden brenda qytetit te Sarandes, per akomodimin e turisteve. Duke nisur nga Plazhi i Centralit, ne afersi te Pontilit, ne ate te shetitores “Hasan Tahsini”, ne Plazhin e Ri e ate te Pllakave ne lagjen Koder eshte hedhur rere e re, per te rritur cilesine e kushteve ne to per ate kategori banoresh e peshuesish qe nuk i kane mundesite per te shkuar ne plazhe jashte Sarandes, si ne Ksamil, Bunec etj.

Sipas nenkryetarit te bashkise, Robert Maci, nje nga detyrat qe i eshte lene sektorit te sherbimeve ne bashki ka qene mbushja e siperfaqeve te plazheve me rere. Kjo sipas Macit po realizohet ne bashkepunim me sipermarres private, si kusht qe ata te mund te shfrytezojne siperfaqe te limituara, sektore te caktuar ne plazhe per te ofruar sherbim sezonal me cadra e shezlonge.

Kesaj i ka sherbyer, kerkesa e qeverisjes vendore qe brezi i pare i reres, ai me prane buzes se ujit, te jete i lire nga shezlonget e cadrat, per te lene te lire pushuesin, te vendose nese ka nevoje. “Edhe here te tjera, eshte thene kjo, por nuk eshte zbatuar, -shprehet kryetari i keshillit bashkiak, Arjan Demiri, pasi administrata ka lene te lira bizneset te fitojne, ne kurriz te qytetarit, qe eshte ne te drejten e tij te marre shezlong e cader, kundrejt pageses, apo t’i siguroje vete ato, ndoshta edhe duke i sjelle nga shtepia”.
Nga ana tjeter, marrja ne  kujdes e siperfaqeve te kufizuara ne plazhe nga privatet ka bere qe ato te mbahen paster e te sistemuar ne cdo ore te dites, pa qene nevoja qe ne to te pritet te shkoje punetori i firmes se pastrimit te bashkise, qe ne vere veshtire se i mbetet kohe per te pastruar plazhet.

“Une rri me kosh plehrash ne dore, duke mbledhur cdo mbeturine, berthame frutash, kanoce apo dhe bisht cigareje, qe mund te hedhin plazhistet gjate dites”, tregon Bush Jace, nje nga sipermarresit e nje sektori plazhi nen shetitoren “H.Tahsini”. Ai thote se edhe reren nuk e le ta marre deti naten, por i hap nje kanal qe e ruan nga vala dhe ne mengjes e mbulon prape, per ta gjetur plazhisti cdo gje ne rregull.

Top Channel