Vlore, dogana 5 dite pa energji elektrike
09/07/2009 08:10
Politika shqiptare uron besimtarët myslimanë për Kurban Bajramin 06/06 08:55
Pika e kalimit kufitar ne Portin e Vlores, qe prej 5 ditesh eshte zhytur ne erresire te plote si pasoje e mungeses se energjise elektrike.
Situata e krijuar ka veshtiresuar punen ne kalaten portuale te perpunimit te pasagjereve dhe te mallrave qe hyjne dhe dalin nga Shqiperia. Sipas perfaqesuesve te pikes se kalimit kufitar te Portit te Vlores, energjia elektrike eshte nderprere qe prej 5 ditesh dhe keto dite eshte punuar me gjenerator per te bere kontrollin e pasaportave dhe te dokumenteve te tjera, te emigranteve dhe turisteve qe hyjne ne kete pike kufitare.
Mesohet se gjeneratori perdoret vetem per perpunimin e te dhenave dhe me pas ai fiket, duke e rikthyer territorin e portit serish ne erresire. Nderkohe, drejtuesit e Ndermarrjes Elektrike te Vlores kane deklaruar se nderprerja e energjise 5-ditore ka ardhur si pasoje e demtimit te nje kabulli rreth 200 m i gjate, qe pershkon zonen e portit deri te kabina nga ku behet furnizimi me energji elektrike.
Sipas drejtuesve, defekti eshte tentuar te riparohet disa here, por pa sukses, pasi kabulli eshte i demtuar ne disa pjese. Po sipas perfaqesuesve te elektrikut ne kabinen e portit shkojne dy linja 60 kv dhe 20 kv, por kete te dyten Drejtoria Portale, ndonese kompetence e saj, nuk e ka shtruar akoma. Mesohet se energjia elektrike do te mungoje dhe gjate dites se sotme ne piken kufitare te Portit te Vlores.
Top Channel
