Kristi Vangjeli vendos te qendroje tek Arisi i Selanikut edhe per tri vitet e ardhshme.
Pikerisht ne momentin kur dukej se ndermjet mbrojtesit te Kombetares shqiptare dhe klubit grek dashuria kishte perfunduar, palet gjejne akordin.
Ekipi qe e mbylli Superligen helene ne vendin e gjashte, arriti te binde 23-vjeçarin te mos largohet, pavaresisht ofertave te shumta: qipriotet e AEL-it dhe Hajduku ishin dy kandidatet me te fundit per Vangjelin.
Per te ndryshuar mendjen e korçarit, drejtuesit e klubit permiresuan kushtet financiare te kontrates, ku sipas marreveshjes se re, tashme ai do te perfitoje 250 mije euro ne sezon.
Ne fakt ishte pikerisht rroga e ulet ajo qe e shtyu kuqeziun te mos rinovonte kontraten per shume muaj. Duke qene se ka dale nga Akademia e Arisit, ku militon qe prej vitit 2003, perfitimet sezonale ishin nder me te uletat tek Arisi. Nje vleresim ne proporcion te zhdrejte me peshen e lojtarit ne skuader.
Qe aty nisi lufta e nervave: shqiptari nuk pranonte rinovimin dhe kercenoi me largim, ndersa drejtuesit e ndeshkuan, duke urdheruar stafin teknik qe Vangjeli te aktivizohej me pikatore (vetem tete ndeshje gjate sezonit te kaluar).
Qendrimi ne stol e tensionoi situaten, por fale paraqitjeve mjaft te mira me Kombetaren, kunder yjeve si Ibrahimoviç e Kristiano Ronaldo, mbrojtesi terhoqi vemendjen e shume skuadrave.
Por, ne fund ai zgjodhi me zemer. Te pakten, sipas akordit, ai do te luaje deri me 30 qershor te vitit 2012 ne stadiumin “Kleanthis Vikelidisâ€.
Vangjeli hodhi firmen ne kontrate ne pranine e presidentit te ekipit nga Selaniku, Thanasi Athanasiadis, drejtorit ekzekutiv Xhon Konti dhe menaxherit te pergjithshem Xhorxh Elefteroudi. Menjehere pas rinovimit edhe per tri sezone, lojtari u shpreh mjaft i kenaqur qe nuk u largua nga Arisi. “Jam shume i lumtur qe rinovova kontraten me klubin. Doja absolutisht te qendroja me ekipin, edhe sepse nuk jam munduar asnjehere ta fsheh faktin qe jam tifoz i Arisitâ€, deklaroi ai.
“Java qe kaloi ishte vendimtare ne vendimin tim per te vazhduar aventuren ketu, sepse perveç profesionalizmit, nje rol mjaft te rendesishem luajten edhe sinjalet e drejtuesve te klubit, te cilet kerkonin me çdo kusht te qendroja. Mesazhet e marra prej tyre ndikuan ne zgjedhjen qe bera. Ne fund, gjithçka perfundoi ne menyren me te mire dhe do te vazhdoj te perfaqesohem me skuadren e zemres. Deshiroj te falenderoj z.Athanasiadis (presidentin e klubit) dhe drejtuesit e tjere te klubit, por edhe trajnerin Mazinjo, te cilet vazhdojne te besojne tek une. Tani do te punoj dhe do te perkushtohem maksimalisht ne pergatitjet e skuadres. Do te jap me te mire ne sherbim te objektivave te Arisit per sezonin e ri. Premtoj qe se bashku me shoket do bejme te pamunduren qe t’u japim kenaqesi tifozeve taneâ€, perfundoi Vangjeli.
Top Channel