Ne shkollen “Hasan Prishtina” ne Tirane po numerohet kutia e fundit dhe nga te dhenat e deritanishme rezulton se per kete zone PS ka marre 7898 vota, ndersa PD 6070.
Burime prane PS bejne te ditur se ne kete qender, me numer 1778, ka pasur tensione pasi sipas tyre jane paraqitur persona te paautorizuar dhe 4 anetare te PD, mes te cileve kandidatet Gerti Bogdani dhe Tritan Shehu, te cilet rregullorja nuk i lejon.
I vetmi nga radhet e PS ka qene kandidati Ilir Gjoni, i cili ka theksuar se problemet ne kete qender kane filluar qe prej dites se djeshme e deri me sot, ku procesi i numerimit eshte nderprere sipas tij qellimisht nga komisioneret e PD.
“Procesi i numerimit ka pasur probleme qe nga perfundimi i procesit te votimit e deri tani. Momentet e tensionimit filluan ne dreken e djeshme kur PD kujtonte se po fitonte. Me pas komisioneret e PD kerkuan disa ore pushim, ndersa me pas sekretari i KZAZ i PD u largua per arsye shendetesore. Por ai erdhi sot shendosh e mrie”, ka deklaruar Gjoni per Top Channel.
Sipas tij, kandidatet e PD, te paraqitur ne KZAZ ne menyre te parregullt, kane ushtruar presion ndaj numeruesve te votave, duke cenuar keshtu procesin.
“Procesi i numerimit rifilloi rreth 14:30 dhe kandidatet e PD ne menyre te parregullt debatonin me numeruesit e votave duke cenuar ecurine e procesit. Por me ardhjen e mediave u terhoqen. Tani po presim rezultatet”, ka shtuar Gjoni.
Top Channel
