Pas testeve te rezultuara pozitive, KESH parashikon qe puna per prodhimin e energjise elektrike nga Termocentrali i Vlores, te nise para zgjedhjeve, pra brenda kesaj jave.
Lajmin e konfirmon per gazeten nendrejtori i KESH-Gen, Muharrem Stojku, sipas te cilit, per venien ne pune te TEC-it do te perdoret lende e pare, nafte e cilesise se pare.
“Kjo per shkak per te pasur impakt sa me te vogel ne ndotjen e ambientit”, tha Stojku, duke shtuar sa kane mberritur anijet e para me nafte. Kapaciteti i TEC-it te Vlores eshte 95 megavat, ndersa si vlere investimi llogaritet rreth 92 milione euro, mundesuar kryesisht nga Banka Boterore.
KESH-Gen (emri i ri i kompanise) ka kryer per nje muaj rresht teste rreth kapacitetit prodhues te TEC-it. Sipas Stojkut, çdo veprim ose skenar per funksionimin e termocentralit eshte marre parasysh dhe se pritet qe ne datat 25-26 qershor te nise puna me kapacitet te plote.
Funksioni i TEC-it do te varet nga prodhimi vendas i hidrocentraleve, ne kohe kur konsumi eshte i larte. Punimet per objektin kane nisur qe prej nje viti e gjysme, ndersa perfundimi duhet te ishte kryer me kohe, ne rast se nuk do te kishte probleme me shpronesimet dhe me protestat ambientaliste te banoreve te Vlores. Burime zyrtare nga KESH-Gen pohojne se nuk do te kete inaugurim zyrtar per vepren, por, nga ana tjeter, nuk e perjashtojne faktin se data e nisjes se punimeve perkon me hapjen e tunelit te Thirres, ne Rreshen-Kalimash.
Top Channel
