Peshengritje, Medalistet, 39 mln leke shperblim
12/06/2009 08:55
Vendos supergoli i Granit Xhakës, Leverkusen fiton edhe Kupën e Gjermanisë 25/05 22:25
Vetem dy muaj pas perfundimit te Kampionatit Evropian te Peshengritjes per te Rritur te zhvilluar ne muajin prill ne Bukuresht te Rumanise, tashme medaliste shqiptare dhe trajneret e tyre do te mund t’i gezohen marrjes se shperblimeve te merituara arritjet domethenese te tyre ne kete turne prestigjioz.
Pritja ka marre fund dje, kur edhe Keshilli e Ministrave ka miratuar vendimin per dhenien 39 milione lekeve te vjetra per dy prej peshengritesve shqiptare, te cilet jane ngjitur ne podin e me te mireve ne Evropianin e Rumanise.
Sportistet qe do te perfitojne nga ky vendim jane Romela Begaj, Erkand Qerimaj dhe trajneret perkates te tyre. Qeveria eshte mbledhur mesditen e djeshme dhe mes shume vendimeve te tjera, ka miratuar “nje shtese fondi ne buxhetin e vitit 2008 per Ministrine e Turizmit, Kultures, Rinise dhe Sporteve, per shperblimin e disa sportisteve dhe trajnereve te tyre, qe kane arritur rezultate te larta ne Kampionatin Evropian te Peshengritjes per te Rritur”, qe ka qene nje propozim i vete MTKRS-se.
Sipas vendimit te Keshillit te Ministrave “Ministrise se Turizmit, Kultures, Rinise dhe Sporteve, ne buxhetin e miratuar per vitin 2009, zeri ‘Projekte’, artikulli ‘604’, t’i shtohet fondi 3 900 000 (tre milione e nenteqind mije leke te reja), per shperblimin e disa sportisteve dhe te tranereve te tyre, qe kane arritur rezultate te larta ne Kampionatin Evropian te Peshengritjes per te rritur”. Ky fond te perballohet nga fondi rezerve i buxhetit te shtetit. Nderkohe qe per zbatimin e tij jane ngarkuar MTKRS-ja dhe Ministria e Financave.
Vendimi ka hyre ne fuqi menjehere. Kampionati Evropian i Peshengritjes ne Rumani u mbyll me 12 prill me nje bilanc prej dy medaljesh per Shqiperine: 1 bronzi, qe u mor nga Romela Begaj, dhe 1 argjendi nga peshengritesi i njohur, Erkand Qerimaj. Romela Begaj u shpall Kampione e Evropes ne stilin e shkeputjes ne peshen 58 kg, nderkohe qe ne dygaresh u rendit e 3-ta, duke u mjaftuar vetem me medalje bronzi. Ndersa shtangisti 21-vjeçar, Qerimaj, u shpall nenkampion i Evropes ne peshen 77 kg, pasi u klasifikua i pari ne stilin e shtytjes, duke ngritur 190 kg. Ndersa ne dygaresh, ai mori medaljen e argjendit. Ne total, shkodrani ngriti 342 kg, vetem 2 kg me pak se bjellorusi Mikolai Çarniak, i cili mori titullin e kampionit te Evropes.
Top Channel
